قازاقستان رەسپۋبليكاسى ۇكىمەتىنىڭ 2015 جىلعى 30 جەلتوقسانداعى №1131 قاۋلىسىمەن سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلدا وزگە دە جولمەن جاردەمدەسەتىن ادامداردى كوتەرمەلەۋ قاعيدالارى بەكىتىلدى. زاڭ 2016 جىلعى 1 قاڭتاردان باستاپ قولدانىسقا ەنگىزىلدى.

پارانىڭ نەمەسە كەلتىرىلگەن زالالدىڭ سوماسى نە ۇسىنىلعان جەڭىلدىكتەردىڭ نەمەسە كورسەتىلگەن قىزمەتتەردىڭ قۇنى ءبىر مىڭ ايلىق ەسەپتىك كورسەتكىشتەن (بۇدان ءارى – اەك) اسپايتىن نەمەسە زالالى جوق سىبايلاس جەمقورلىق قۇقىق بۇزۋشىلىقتار بويىنشا ءبىرجولعى اقشالاي سىياقى مىناداي مولشەردە بەلگىلەنەدى:
1) سىبايلاس جەمقورلىق قۇقىق بۇزۋشىلىقتار تۋرالى اكىمشىلىك ىستەر بويىنشا – 30 اەك (87 510 تەڭگە)؛
2) ونشا اۋىر ەمەس سىبايلاس جەمقورلىق قىلمىستار تۋرالى قىلمىستىق ىستەر بويىنشا – 40 اەك (116 680 تەڭگە)؛
3) اۋىرلىعى ورتاشا سىبايلاس جەمقورلىق قىلمىستار تۋرالى قىلمىستىق ىستەر بويىنشا – 50 اەك (145 850 تەڭگە)؛
4) اۋىر سىبايلاس جەمقورلىق قىلمىستار تۋرالى قىلمىستىق ىستەر بويىنشا – 70 اەك (204 190 تەڭگە)؛
5) اسا اۋىر سىبايلاس جەمقورلىق قىلمىستار تۋرالى قىلمىستىق ىستەر بويىنشا – 100 اەك (291 700 تەڭگە).
پارا نەمەسە كەلتىرىلگەن زالال سوماسى نەمەسە ۇسىنىلعان جەڭىلدىكتەر نەمەسە كورسەتىلگەن قىزمەتتەر قۇنى ءبىر مىڭ اەك اساتىن سىبايلاس جەمقورلىق قۇقىق بۇزۋشىلىقتار بويىنشا ءبىرجولعى اقشالاي سىياقى پارا نەمەسە كەلتىرىلگەن زالال نەمەسە ۇسىنىلعان جەڭىلدىكتەر نەمەسە كورسەتىلگەن قىزمەتتەر سوماسىنىڭ 10% قۇرايدى، ءبىراق ءتورت مىڭ اەك-تەن اسپايدى (2021 جىلعى اەك دەڭگەيى بويىنشا 11 668 000 تەڭگەدەن كوپ ەمەس).
باتىس قازاقستان وبلىسىندا اعىمداعى جىلى سىبايلاس جەمقورلىق قىلمىسىن اشۋعا جاردەمدەسكەن 5 تۇلعاعا 962 610 تەڭگەگە كوتەرمەلەۋ سىياقىسى بەرىلدى.
سىبايلاس جەمقورلىق فاكتىلەرى تۋرالى تاۋلىك بويى جۇمىس ىستەيتىن 1424 ءنومىرى بويىنشا Call-ورتالىققا حابارلاۋعا بولادى.