قازگيدرومەتتىڭ مەتەورولوگيالىق بولجام ءبولىمىنىڭ باسشىسى داۋلەت كيسەبايەۆ 31 جەلتوقسانعا ارنالعان الماتىداعى اۋا رايى بولجامىن جاريالادى.
مالىمەتكە سايكەس، الداعى اپتادا اۋا تەمپەراتۋراسى تۇندە -4 گرادۋس پەن +1 گرادۋس ارالىعىندا بولادى. كۇندىز 5-10 گرادۋس جىلى بولادى دەپ كۇتىلىپ وتىر.
31 جەلتوقساندا كۇن الابۇلتتى، جاۋىن-شاشىنسىز، تۇندە 5 گرادۋسقا دەيىن سۋىق، كۇندىز 5 گرادۋسقا دەيىن جىلى بولادى. تەك 26 جەلتوقساندا قار ارالاس جاڭبىر جاۋۋى ىقتيمال.
الماتى قالاسى بويىنشا جەلتوقسانداعى جاۋىن-شاشىن نورماسى – 42 مم. بۇگىندە بۇل كورسەتكىش تەك 3،6 مم-گە عانا جەتەدى.
داۋلەت كيسەبايەۆ جەلتوقسانداعى كۇن رايىن انومالدىق ەمەس ەكەنىن ايتادى. سوزىنشە، مۇنداي اۋا رايى 5-10 جىلدا ءبىر قايتالانىپ تۇرادى. ماسەلەن، 2011 جىلى جەلتوقساندا كۇن 18 گرادۋسقا دەيىن جىلىعان كەزدەر بولعان.
پىكىر قالدىرۋ