اقش پرەزيدەنتى دجو بايدەن "دەنساۋلىعى جاقسى" بولسا، 2024 جىلى سايلاۋعا قايتا تۇسەتىنىن جانە دونالد ترامپقا باسەكەلەس بولۋعا دايىن ەكەنىن ايتتى.
پرەزيدەنت اق ۇيدە تاعى ءتورت جىل قىزمەت ەتۋگە تىرىساتىنى تۋرالى بۇرىنعى پىكىرىن راستاي وتىرىپ، ABC تەلەارناسىنىڭ جۇرگىزۋشى ديەۆيد مۋيرگە بەرگەن سۇحباتىندا دەنساۋلىعى ناشارلاماسا، قايتا سايلاۋعا تۇسەتىنىن جەتكىزدى.
"ەگەر بۇرىنعى پرەزيدەنت (دونالد ترامپ) رەسپۋبليكالىق پارتيادان ۇمىتكەر بولسا، ونىمەن باسەكەگە تۇسەسىز بە؟" دەگەن سۇراققا بايدەن كۇلىپ، "باسەكەگە باراتىنىن" ايتتى.
"كانديدات رەتىندە دونالد ترامپقا قارسى نەگە شىقپاسقا..." دەدى بايدەن.
79 جاستاعى بايدەن "ءيا. قاراڭىزشى، مەن تاعدىردى قۇرمەتتەيمىن، تاعدىر مەنىڭ ومىرىمە تالاي رەت ارالاستى. دەنساۋلىعىم جاقسى بولسا، شىنىمەن مەن قايتادان (پرەزيدەنتتىككە) ۇمىتكەر بولامىن" دەدى بايدەن.
بۇعان دەيىن اقش-تىڭ ەكس-پرەزيدەنتى دونالد ترامپ 2024 جىلى سايلاۋعا ءتۇسۋى مۇمكىن ەكەنىن ايتقان.
پىكىر قالدىرۋ