دەنساۋلىق ساقتاۋ مينيسترلىگى 26 جەلتوقسان كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 342 ادامنان كوروناۆيرۋس، 9 ادامنان پنيەۆمونيا انىقتالعان. 25 جەلتوقساندا 3 ادام كوروناۆيرۋستان، 2 ادام پنيەۆمونيادان كوز جۇمدى.

27 جەلتوقسانداعى مالىمەت بويىنشا، 17 619 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 2 813 پاسيەنت ستاسيوناردا، 14 806 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 225 ادامنىڭ جاعدايى اۋىر، 71 پاسيەنتتىڭ جاعدايى وتە اۋىر، 53 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان قالاسى، سولتۇستىك قازاقستان وبلىسى "سارى" ايماقتا.

"جاسىل" ايماقتا: الماتى، پاۆلودار، شىمكەنت قالالارى، اقمولا، اتىراۋ، اقتوبە، الماتى، باتىس قازاقستان، تۇركىستان، جامبىل، قىزىلوردا، قاراعاندى، قوستاناي، ماڭعىستاۋ، شىعىس قازاقستان وبلىستارى.

27 جەلتوقسانداعى مالىمەت بويىنشا 8 947 986 ادام ۆاكسينانىڭ I كومپونەنتىن، 8 459 231 ادام II كومپونەنتىن سالدىرعان.