الماتى بالاباقشالارىنىڭ بىرىندە بالالاردى ۇردى دەپ ايىپتالعان تاربيەشى وزىنە قول جۇمساعانى حابارلاندى. اقپاراتتى قالالىق پوليسيا دەپارتامەنتى راستادى.

"الماتى قالالىق پوليسيا دەپارتامەنتى 1979 جىلى تۋعان ازامات ب-نىڭ وزىنە قول جۇمساعانىن راستاپ وتىر. قازىرگى ۋاقىتتا جەتىسۋ اۋداندىق پوليسيا دەپارتامەنتى قىلمىستىق كودەكستىڭ 105-بابى (ءوزiءن-وزi ءولتiرۋگە دەيiن جەتكiزۋ) بويىنشا سوتقا دەيىنگى تەرگەۋدى باستادى. ءقازىر ءىستىڭ ءمان-جايى انىقتالۋدا" دەلىنگەن اقپاراتتا.

بۇعان دەيىن الماتىداعى جەكەمەنشىك بالاباقشالاردىڭ بىرىندە تاربيەشى بالالاردى ۇرىپ جاتقان ۆيدەو جەلىدە تارالىپ، ۇلكەن رەزونانس تۋدىرعان. كەيىن اتالعان وقيعاعا قاتىستى بالالاردىڭ اتا-انالارى شاعىمدانىپ، تاربيەشىنىڭ كىناسى دالەلدەنسە 3 جىلعا دەيىن باس بوستاندىعىنان ايىرىلۋى مۇمكىن ەكەنى حابارلانعان.

بۇگىن الماتى قالالىق پوليسيا دەپارتامەنتى اتالعان وقيعا بويىنشا قىلمىستىق كودەكستىڭ 140-بابى 2-تارماعىنا (كامەلەتكە تولماعان ادامعا قاتىگەزدىك تانىتۋ) ساي، تەرگەۋ باستاپ، تاربيەشىدەن تۇسىنىك العان.