قوستاناي وبلىسىندا تەمىرجول وتكەلىندە جەڭىل كولىك پەن پوەزد سوقتىعىسىپ، ءبىر ادام جارالاندى. وقيعا ng.kz_ instagram پاراقشاسىندا حابارلاندى.
وقىس وقيعا بۇگىن ساعات 10.00 شاماسىندا بولعان. تەمىرجول وتكەلىندە پويىز بەن Chevrolet جەڭىل اۆتوكولىگى سوقتىعىسقان. كولىك جۇرگىزۋشىسى اۆتوكولىككە ارنالعان حالىققا قىزمەت كورسەتۋ ورتالىعى اۋدانىنداعى كاربىشيەۆ كوشەسى جاعىنان كەلە جاتىپ، تەمىرجول وتكەلىنە شىعىپ، رۋدنىي قالاسى باعىتىندا تەمىرجول بويىمەن كەلە جاتقان نۇر-سۇلتان-ورال جولاۋشىلار پويىزىمەن سوقتىعىسقانى انىقتالدى.
قوستاناي وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى 1981 جىلى تۋعان ەر ادام قالالىق اۋرۋحاناعا جەتكىزىلگەنىن حابارلادى.
ءقازىر جەڭىل كولىك جۇرگىزۋشىسىنىڭ جاعدايى اۋىر، ول جانساقتاۋ بولىمىندە جاتىر. ونىڭ قانىندا الكوگولدىك سۋسىندار بار-جوعى انىقتالۋدا.
پوسموترەت ەتۋ پۋبليكاسيۋ ۆ Instagram
پىكىر قالدىرۋ