قازاقستان رەسپۋبليكا پرەزيدەنتى
قاسىم-جومارت كەمەل ۇلى توقايەۆقا
ۇندەۋ
پرەزيدەنتى توقايەۆ مىرزا!
«قازاق ەلى» مەدياسى ارقىلى ماڭعىستاۋ اۋەجايىنا اسكەري قارۋلى كۇشتەر كەلىپ جاتىر دەگەن قورقىنىشتى اقپارات جەتتى. جەرگىلىكتى حالىق جولداردى جاۋىپ تاستاپتى.
توقايەۆ مىرزا، بەيبىت شەرۋگە شىققان ازاماتتارعا قارسى قارۋلى كۇشتەرى پايدالانۋعا بارماڭىز! بۇرىنعى بيلىكتىڭ قاتەسىن قايتالاماڭىز! قازاق تاريحىندا قارابەت بولىپ قالۋىڭىز ابدەن مۇمكىن. ازاماتتاردىڭ تالابى ورىندى! ساۋاتسىز ەكونوميكالىق ساياسات جۇگىزەتىن ۇكىمەتىڭىز جوق.
قازاقستان رەسپۋبليكاسىنىڭ قارۋلى كۇشتەرىنە دە ايتارىم بار.
سەندەر – قازاقتىڭ جىگىتتەرىسىڭدەر، ءتىلىمىز ءبىر، ءدىنىمىز ءبىر، جەرىمىز ءبىر. باتىستاعى اعايىندارعا قارسى وق اتۋشى بولماڭدار، باۋىرلارىڭا قول كوتەرۋگە بارماڭدار! انا رەتىندە ايتامىن. سەندەردىڭ دە بالالارىڭ، ءىنى-باۋىرلارىڭ بار، اكە-شەشەلەرىڭ، قارت اتا-اجەلەرىڭ بار. بەتتەرىنە قالاي قارايسىڭدار، «مەن ءىس ساپارعا بارىپ كەلدىم، ادام ءولتىردىم، ۇر دەدى – ۇردىم، سوق دەدى – سوقتىم، بۇيرىق ورىندادىم» دەيسىڭدەر مە؟ قانتوگىسكە بارماڭدار، وتىنەمىن! اللانىڭ قارعىسى مەن حالىقتىڭ قارعىسىنان قۇتىلعان جان جوق. ونى تاريحتان بىلەسىزدەر.
اللا جازسا، بۇل بيلىك كەتەدى، سەندەر قالاسىڭدار. ولار سەندەردى ءقازىر قولشوقپار رەتىندە پايدالانىپ وتىر. جۇرتتىڭ بەتىنە قالاي قارايسىڭدار؟! قارۋلى كۇشتەر، پوليسيا، ۇلتتىق گۆارديادا قىزمەت ەتتى دەگەن تىزىمدەرگە حالىقتىڭ قولى جەتپەيدى دەپ ويلاماڭدار. حالىقتىڭ سوتى بولادى. ازاماتتىق قوعامىندا كۇنى بۇگىن حالقىنا ازاپ كورسەتكەن سۋديالار، پروكۋرورلار، پوليسەيلەردىڭ، اسكەري قىزمەتكەرلەردىڭ ءتىزىمى جوق ەمەس – بار. ول ءتىزىم كۇن سايىن تولىعۋدا.
2011 جىلى جاڭا وزەڭ وقيعاسى بويىنشا كوپ جۋرناليستتىك تەرگەۋ ءوتتى، ازاماتتارعا جازىقسىز وق اتقاندار، سوتتاعاندار، زورلىق زومبىلىق كورسەتكەن لاۋازىمدى ادامداردىڭ ءتىزىمى مەن دالەلدەرى دە بار. حالىق سوتىمەن سوتتايمىز! دۇنيە كەزەك!
بوتاگوز يسا،
«Dongelek Ystel» ازاماتتىق قوعام كواليسيانىڭ ۇيلەستىرۋشى
پىكىر قالدىرۋ