پرەزيدەنت قاسىم-جومارت توقايەۆتىڭ تاپسىرماسى بويىنشا ۇكىمەتتىك كوميسسيا مۇشەلەرى ماڭعىستاۋداعى بەلسەندىلەرمەن كەلىسسوز جۇرگىزىپ جاتىر. بۇل تۋرالى Primeminister.kz حابارلادى.

"ۇكىمەتتىك كوميسسيا سۇيىتىلعان گاز باعاسىن تومەندەتۋدى تالاپ ەتكەن باستاماشىل توپپەن كەزدەسۋ وتكىزىپ جاتىر. جيىنعا قاتىسۋشىلار قوعامدىق قاۋىپسىزدىكتى ساقتاي وتىرىپ، جاعدايدى رەتتەۋ مۇمكىندىگىن تالقىلاپ جاتىر"، دەلىنگەن حابارلامادا.

ەسكە سالايىق، ماڭعىستاۋ وبلىسى جاڭاوزەن، اقتاۋ قالالارىندا اۆتوموبيلگە ارنالعان سۇيىتىلعان گازدىڭ قىمباتتاۋىنا بايلانىستى تۇرعىندار 3 كۇن قاتارىنان نارازىلىققا شىعىپ جاتىر.

ۇكىمەت گاز باعاسىن كاسىپكەرلەر ەسەبىنەن 120 تەڭگەدەن 85-90 تەڭگەگە دەيىن تۇسىرۋگە ءازىر ەكەنىن ءمالىم ەتتى. الايدا تۇرعىندار گاز باعاسى بۇرىنعىداي 50 تەڭگە كەلگەنىن قالايدى.

ميتينگتە "ۇكىمەت وتستاۆكاعا كەتسىن" دەگەن تالاپتار دا ايتىلىپ جاتىر.