ۇكىمەتتىك كوميسسيا اقتاۋ قالاسىنداعى ىنتىماق الاڭىنا جينالعان بەلسەندىلەرمەن كەزدەسىپ ورتاق شەشىمگە كەلدى.
"الاڭدا بولعان ادامداردى جاۋاپكەرشىلىككە تارتپاۋ تۋرالى كەپىلدىك بەرىلدى. تاراپتار تۋىنداعان بارلىق ماسەلەلەردى سىندارلى ديالوگ اياسىندا جانە قولدانىستاعى زاڭناما شەڭبەرىندە شەشۋگە كەلىستى" دەلىنگەن اقپاراتتىق حابارلامادا.
2 قاڭتاردان بەرى اۆتوكولىككە ارنالعان سۇيىتىلعان گاز قۇنىنىڭ قىمباتتاۋىنا بايلانىستى جاڭاوزەن تۇرعىندارى نارازىلىققا شىققان. ارتىنشا اقتاۋدا، الماتىدا، ورال، شىمكەنت جانە ەلوردادا ازاماتتار جاڭاوزەندىكتەردى قولداپ الاڭعا شىقتى. دەسە دە ەڭ ۇلكەن نارازىلىق شارالارى جاڭاوزەن مەن اقتاۋدا بولدى.
بيلىك نارازىلىق باستالعان العاشقى كۇننەن گاز باعاسىن بۇرىنعىداي 50 تەڭگە مولشەرىندە بەلگىلەۋ مۇمكىن ەمەستىگىن، تەك كاسىپكەرلەر ەسەبىنەن 90-85 تەڭگەگە دەيىن عانا تومەندەتۋگە بولاتىنىن ءمالىم ەتكەن.
الايدا بۇل نارازى تۇرعىنداردى قاناعاتتاندىرمادى. ولار تالاپتارىنان قايتپاي، كەشەلى بەرى ۇكىمەت وتستاۆكاعا كەتسىن دەپ ءىشىنارا ساياسي تالاپتار قويا باستاعان.
پىكىر قالدىرۋ