ماڭعىستاۋ وبلىسىنداعى حالىق نارازىلىعىن قولداۋ ماقساتىندا الماتى كوشەلەرىنە شىققان ازاماتتار جاپپاي قامالىپ جاتىر. قامالعاندار اراسىندا نارازىلىق ورىندارىنان حابار تاراتۋعا بارعان جۋرناليستەر دە بار.

الماتى-ارەنا سپورت كەشەنى ماڭىنا جينالعان ون شاقتى ادامدى پوليسيا سۇيرەپ الىپ كەتكەن. كەشەن ماڭىندا ينتەرنەت بۇعاتتالعان، ۇيالى بايلانىس بىردە بار، بىردە جوق. ۇستالعاندار قاتارىندا دەموكراتيالىق پارتيا باستاماشىل توبىنىڭ جەتەكشىسى جانبولات ماماي دا بارى حابارلاندى.

الماتىنىڭ وربيتا ىقشاماۋدانىندا Oyan Qazaqstan قوزعالىسىنىڭ بىرنەشە وكىلىن پوليسيا سوققىعا جىعىپ، ۇستاپ اكەتكەن.

سونداي-اي وقيعا ورنىنان حابار تاراتۋعا بارعان جۋرناليست ميات كاشىباي مەن  Orda.kz سايتىنىڭ ءتىلشىسى بەك بايتاستى پوليسيا قۇجاتىنىڭ بارىنان قاراماستان ۇستاپ، كولىكپەن پوليسيا بولىمىنە اپارا جاتىر.

ميات كاشىباي Facebook پاراقشاسىندا ءوزىن الماتى-ارەنا الدىنداعى نارازىلىق كەزىندە ۇستاعانىن، 20 شاقتى اداممەن بىرگە اۆتوزاكپەن الىپ بارا جاتقانىن حابارلادى.

قازىرگى ۋاقىتتا قوس جۋرناليست تە تەلەفونىنا جاۋاپ بەرمەيدى.

بۇعان دەيىن ازاتتىق راديوسىنىڭ ءجۋرناليسى قاسىم امانجول كاسىبي مىندەتىن اتقارىپ جۇرگەنىندە ۇستالىپ، كەيىن بوساتىلعان.

بۇدان بولەك Orda.kz، Kaztag.kz سايتتارى بۇعاتتالعان. سايت وكىلدەرى بۇعاتتاۋدا ميتينگتەردەن حابار تاراتۋىمەن بايلانىستىرادى.