اقتوبەدە دە گاز باعاسى 50 تەڭگەگە دەيىن ارزاندايدى. بۇل تۋرالى قالا اكىمدىگى ءوز Instagram جانە Facebook پاراقشالارىندا حابارلادى.
"اقتوبەلىكتەردىڭ ميتينگ كەزىندە قويعان ەكى تالابى دا ورىندالدى. بۇگىن اقتوبەدە بەيبىت تۇردە ميتينگكە كەلگەندەر جەرگىلىكتى اتقارۋشى ورگاننان ەكى ماسەلەنى تالاپ ەتتى. ءبىرىنشىسى - ميتينگ بارىسىندا قاماۋعا الىنعانداردى بوساتۋ. بۇل تالاپ ورىندالدى - ۇستالعاندار بوساتىلدى. ەكىنشىسى - سۇيىلتىلعان گاز باعاسىن تومەندەتۋ. بۇل تالاپ تا ورىندالدى - سۇيىلتىلعان گاز باعاسى 50 تەڭگەگە دەيىن تومەندەتىلدى"، دەلىنگەن اكىمدىك تاراتقان حابارلامادا.
بۇعان دەيىن، ماڭعىستاۋ وبلىسىنىڭ جاڭاوزەن جانە اقتاۋ قالالارىنداعى ميتينگتەن كەيىن ۇكىمەت كوميسسياسى سۇيىتىلعان گاز باعاسىنىڭ ءليترىن 50 تەڭگەگە دەيىن تومەندەتكەن بولاتىن.
پىكىر قالدىرۋ