پرەزيدەنت قاسىم-جومارت توقايەۆتىڭ شەشىمىمەن 10 قاڭتار - جالپىۇلتتىق ازا تۇتۋ كۇنى بولىپ جاريالاندى. بۇل تۋرالى اقوردانىڭ رەسمي سايتى مالىمدەدى.
"قازاقستان رەسپۋبليكاسىندا جاسالعان تەرروريستىك اكتىلەردىڭ سالدارىنان ادامداردىڭ قازا بولۋىنا بايلانىستى قازاقستان رەسپۋبليكاسىندا 2022 جىلعى 10 قاڭتاردا جالپىۇلتتىق ازا تۇتۋ جاريالانسىن" دەلىنگەن پرەزيدەنت جارلىعىندا.
قازاقستاننىڭ ءبىرقاتار وڭىرىندە جاپپاي تارتىپسىزدىكتەر كەزىندە كۇش قۇرىلىمدارىنىڭ 18 قىزمەتكەرى قازا تاۋىپ، ۇلتتىق ۇلان مەن ىشكى ىستەر ورگاندارىنىڭ 748 قىزمەتكەرى زارداپ شەككەن.
جالپى تارتىپسىزدىكتەر كەزىندە زارداپ شەككەن 2 265 ادام مەديسينالىق كومەككە جۇگىنىپ، 83 ادام اۋرۋحانادا اۋىر حالدە جاتىر.
پىكىر قالدىرۋ