ۇلتتىق قاۋىپسىزدىك كوميتەتى 2022 جىلعى 4-8 قاڭتار ارالىعىندا الماتى قالاسىنداعى جاپپاي تارتىپسىزدىككە قاتىناسقان 2 ەكسترەميستىك توپ ۇستالعانىن حابارلادى.
"9 قاڭتاردا ەكسترەميستىك ارەكەتكە الداپ-ارباۋ، ەكسترەميستىك ۇيىمعا باسشىلىق ەتۋ جانە وعان قاتىسۋ، سونداي-اق جاپپاي قۇقىققا قايشى اكسيالاردى جۇرگىزۋ كۇدىگىمەن ءبىر ۇياشىقتىڭ 4 مۇشەسى ۇستالدى.
تۇرعىلىقتى مەكەندەرىن تەكسەرۋ بارىسىندا اتىلاتىن قارۋ، دىبىس-جارىق گراناتالار، وق-دارىلەر جانە ءدىني ادەبيەتتەر زاتتاي ايعاق رەتىندە تاركىلەندى.
ۇيىم جەتەكشىسى حالىقارالىق تەرروريستىك ۇيىممەن بايلانىسى بار، جاپپاي تارتىپسىزدىككە بەلسەندى تۇردە ات-سالىسقان شەتەل ازاماتى بولىپ تابىلادى.
تەرگەۋ تۇجىرىمى بويىنشا، ول قازاقستانعا جاپپاي قۇقىققا قايشى اكسيالاردى دايىنداپ، سونداي-اق بيلىك ورگاندارى مەن قارۋلى قۇرىلىمدارعا شابۋىل جاساۋ ءۇشىن كەلگەندىگى انىقتالدى.
وعان وسى ماقساتتا كومەك بەرۋشىلەردى ىزدەستىرۋ ۇيىمداستىرىلدى" دەلىنگەن ۇقك باسپا ءسوز قىزمەتى تاراتقكن اقپاراتتىق حابارلامادا.
ەلدەگى جاپپاي تارتىپسىزدىكتەر كەزىندە كوپتەگەن ادامنىڭ قايتىس بولۋىنا بايلانىستى پرەزيدەنت قاسىم-جومارت توقايەۆ 10 قاڭتاردى جالپىۇلتتىق ازا تۇتۋ كۇنى دەپ جاريالاعان.
پىكىر قالدىرۋ