قازاقستاندىق فايتەر قۋات ءحاميتوۆتى "ومون" قىزمەتكەرلەرى سوققىعا جىققان. بۇل تۋرالى سپورتشىنىڭ اناسى ءمالىم ەتتى.
جەلىدە تاراعان فوتودا ەرەجەسىز جەكپە-جەك شەبەرىنىڭ بەتى جىرىلىپ، ءىسىپ، كوگەرىپ تۇرعانى كورىنەدى.
سپورتشىنىڭ اناسى بەينەۇندەۋ جاساپ، ۇلىن ءتۇس كەزىندە ۇيىندە وتىرعان جەرىنەن ازاماتتىق كيىمدەگى ەكى ادام مەن ون شاقتى "ومون" قىزمەتكەرى ەشتەڭە تۇسىندىرمەستەن قول-اياعىن قايىرىپ، ءبارىنىڭ كوزىنشە ۇرىپ-سوعىپ الىپ كەتكەنىن ايتقان.
12 قاڭتارعا قاراعان تۇنگى ساعات 12-لەردە سپورتشى قايرات احمەتوۆ قۋات حاميتوۆ ۇيىندە ەكەنىن جەتكىزدى.
سپورتشىنى جاڭاوزەندەگى ميتينگكە قولداۋ ءبىلدىرىپ، الاڭعا شىققانى ءۇشىن ۇستاعان.
ماسەلەگە بايلانىستى سپورتشى ازىرگە پىكىر بىرگەن جوق.
پىكىر قالدىرۋ