ءماجىلىس ەلدەگى جاعدايدى تۇراقتاندىرۋعا باعىتتالعان زاڭ جوبالارىن جەدەل قارايتىن بولادى. بۇل تۋرالى بۇگىن پالاتا ءتوراعاسى نۇرلان نىعماتۋلين جالپى وتىرىستا ايتتى.
ءماجىلىس سپيكەرى اتاپ وتكەندەي، كەشە عانا ءماجىلىستىڭ ونلاين وتىرىسىنا قاتىسقان مەملەكەت باسشىسى قاسىم-جومارت كەمەلۇلى توقايەۆ قازاقستانىمىزدىڭ الدىندا تۇرعان نەگىزگى ماقسات-مىندەتتەردى بەلگىلەپ بەردى.
سونىمەن قاتار، پرەزيدەنتتىڭ تاپسىرماسى بويىنشا ەلىمىزدە بۇرىن بولماعان جاڭا «قازاقستان حالقىنا» قوعامدىق قورى قۇرىلاتىنىن ايتقان پالاتا سپيكەرى ول قور تىكەلەي الەۋمەتتىك سالاداعى ماڭىزدى ءماسەلەلەردى شەشۋمەن اينالىسادى. سونىمەن بىرگە، ەكى ايدىڭ ىشىندە حالىقتىڭ تۇرمىسىن جاقسارتۋ باعدارلاماسى قابىلداناتىن بولادى.
ءماجىلىس ءتوراعاسى دەپۋتاتتار ۇكىمەتپەن بىرلەسىپ، وسى جۇمىستاردى جوعارى دەڭگەيدە جۇزەگە اسىرۋ كەرەكتىگىن باسا اتاپ ءوتتى.
ءماجىلىستىڭ باسپا ءسوز قىزمەتى
پىكىر قالدىرۋ