پحەنيان سولتۇستىك كورەيا باسشىسى كيم چەن ىن باقىلاۋىمەن تاعى ءبىر گيپەردىبىستىق زىمىران سىناعى وتكىزگەنىن مالىمدەدى.
مەملەكەتتىك ب ا ق سەيسەنبى كۇنى اتىلعان زىمىران شامامەن 1000 كم الىستاعى تەڭىز ۇستىندەگى نىساناسىنا جەتىپ، ءساتتى بۇرىلعانىن حابارلادى.
بۇل – سولتۇستىك كورەيانىڭ ءۇشىنشى گيپەردىبىستىق زىمىران سىناعى بولىپ ەسەپتەلەدى.
وڭتۇستىك كورەيانىڭ اسكەريلەرى باستاپقىدا گيپەردىبىستىق زىمىراندار تۋرالى مالىمدەمەلەردى جوققا شىعاردى، ءبىراق كەيىنىرەك "بۇل سىناق – بۇرىنعىلارىنا قاراعاندا جەتىلگەن سىناق ەكەنىن كورسەتتى" دەپ حابارلادى سەۋلدىڭ "Yonhap" اقپاراتتىق سايتى.
سولتۇستىك كورەيانىڭ مەملەكەتتىك اقپارات اگەنتتىگى سىناقتى جوعارى باعالاپ، زىمىران تۋرالى "دالدىگى جوعارى"، "جەتىستىگى تاڭعالارلىق" دەپ مالىمدەدى.
پىكىر قالدىرۋ