تيمۋر سۇلەيمەنوۆ پرەزيدەنت اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى. ول بۇعان دەيىن قاتارداعى ورىنباسار بولىپ كەلگەن.

تيمۋر مۇرات ۇلى سۇلەيمەنوۆ 1978 جىلعى 5 ساۋىردە تۋعان. 2000 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «الەۋمەتتىك سالاداعى ەكونوميكا جانە مەنەدجمەنت» ماماندىعى بويىنشا، 2006 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.

2002 جىلى اقش-تاعى مەريلەند ۋنيۆەرسيتەتىن ءتامامداعان، «قارجى جانە ماركەتينگ» ماماندىعى بويىنشا بيزنەس ماگيسترى.

ۇلىبريتانياداعى القابيلىك بۋحگالتەرلەر جانە اۋديتورلار قاۋىمداستىعى سەرتيفيكاتىنىڭ يەگەرى.

قىزمەت جولى

1999-2000 جىلدارى – پاۆلودار قالاسى №3 وتباسىلىق دارىگەرلىك امبۋلاتورياسىنىڭ ەكونوميست-مەنەدجەرى.

2002-2006 جىلدارى – الماتى قالاسى «ەرنست ەند يانگ كازاحستان» اۋديتورلىق كومپانياسىنىڭ اعا كونسۋلتانتى.

2006-2009 جىلدارى – «قازمۇنايگاز» بارلاۋ ءوندىرۋ» اق سالىق ەسەبى جانە سالىقتىق جوسپارلاۋ دەپارتامەنتىنىڭ ديرەكتورى.

2009-2010 جىلدارى – قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ ۆيسە-مينيسترى.

2010-2012 جىلدارى – قازاقستان رەسپۋبليكاسىنىڭ ەكونوميكالىق دامۋ جانە ساۋدا ۆيسە-مينيسترى.

2012-2016 جىلدارى – ەۋرازيالىق ەكونوميكالىق كوميسسياسىنىڭ ەكونوميكا جانە قارجىلىق ساياسات جونىندەگى القا مۇشەسى (مينيستر).

2016-2019 جىلدارى – قازاقستان رەسپۋبليكاسىنىڭ ۇلتتىق ەكونوميكا ءمينيسترى.

2017 جىلعى 31 ناۋرىزدان باستاپ «قازاگرو» ۇلتتىق حولدينگىنىڭ ديرەكتورلار كەڭەسىنىڭ مۇشەسى بولىپ سايلاندى.

2019 جىلعى اقپان-ناۋرىز – قازاقستان رەسپۋبليكاسىنىڭ ۇلتتىق بانك ءتوراعاسىنىڭ ورىنباسارى.

2019 جىلعى ناۋرىز-شىلدە قازاقستان رەسپۋبليكاسى پرەزيدەنتىنىڭ كومەكشىسى.

2019  جىلعى 22 شىلدەدەن بۇگىنگە دەيىن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى بولىپ كەلگەن.