رەسەي وسى اپتادا اقش جانە ناتو-مەن قاۋىپسىزدىك كەلىسسوزدەرىن «ءساتسىز» دەپ سيپاتتاپ، كەيبىر ماسەلەلەر بويىنشا كەلىسپەۋشىلىكتەردىڭ جالعاسىپ جاتقانىن ايتتى.
كرەملدىڭ باسپا ءسوز حاتشىسى دميتريي پەسكوۆ بەيسەنبى كۇنى جەنيەۆا مەن بريۋسسەلدە وتكەن ەكى كەلىسسوزدە ءىشنارا كەلىسۋ بولعانىن، ءبىراق ماسكەۋ ناقتى ناتيجەلەر ىزدەپ جاتقانىن ايتتى.
بەيسەنبى كۇنى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) وتىرىسىنا قاتىسۋ ءۇشىن ۆەناعا كوشكەن كەلىسسوزدەردە باتىستىڭ قاۋىپسىزدىك تالاپتارى مەن رەسەيدىڭ ۋكراينا ماڭىندا اسكەرلەرىن الىپ كەتۋى تۋرالى تالقىلاندى.
ماسكەۋدىڭ اسكەري ورنالاستىرۋى كييەۆ پەن ونىڭ وداقتاستارىن ۇرەيلەندىردى. باتىس رەسەيلىك كۇشتەردى كەرى قايتارۋعا شاقىردى جانە رەسەي شابۋىل جاساسا، ونى قاتاڭ جازالايتىنى تۋرالى ەسكەرتۋ جاسادى.
ەقىۇ-نىڭ 57 مۇشەسىنىڭ ەلشىلەرىنە سويلەگەن سوزىندە پولشانىڭ سىرتقى ىستەر ءمينيسترى زبيگنيەۆ راۋ ۋكرايناداعى، گرۋزياداعى، ارمەنياداعى جانە مولدوۆاداعى (رەسەيمەن) شيەلەنىستى اتاپ ءوتتى.
«ەقىۇ كەڭىستىگىندە مۇنداي سوعىس ءقاۋپى سوڭعى 30 جىلدا بۇرىن-سوڭدى بولماعان»، - دەدى راۋ.
«بىرنەشە اپتا بويى ءبىز شىعىس ەۋروپادا ۇلكەن اسكەري شيەلەنىستىڭ ىقتيمالدىعىنا تاپ بولدىق»، - دەدى ول.
ايتا كەتەيىك، بۇعان دەيىن ناتو باس حاتشىسى يەنس ستولتەنبەرگ "ەۋروپادا جاڭا قارۋلى قاقتىعىستىڭ شىعۋ ءقاۋپى بار" دەپ مالىمدەگەنى جاريالانعان.
پىكىر قالدىرۋ