بەلگىلى ساياساتتانۋشى سانجار بوقايەۆ الەۋمەتتىك جەلىدەگى پاراقشاسىندا پرەزيدەنت قاسىم-جومارت توقايەۆقا بەينەۇندەۋ جولداپ، التى ۇسىنىس ايتتى.
"بىرىنشىدەن، ەسكى كادر ساياساتىنان باس تارتۋ كەرەك. ال ءسىز سول بۇرىنعى ادامداردى قايتا قويىپ جاتىرسىز. بۇلاي بولمايدى. ءبىز ونسىز دا 30 جىل وسىنى كورىپ كەلە جاتىرمىز. مۇنىڭ ەشقانداي تيىمدىلىگى جوق. ەگەر باسشى جەمقور بولىپ نەمەسە ءتيىمسىز جۇمىس ىستەسە، وندا ول قول استىنا تۋرا سونداي ادامدى جۇمىسقا الادى. بۇل – بارلىق مەملەكەتتىك ورگانداردا جايلاعان.
ەكىنشىدەن، زاڭسىز كەتكەن اقشالاردى حالىققا قايتارۋ كەرەك. ول حالىقتىڭ اقشاسى. ەگەر سىزدەر ەڭ بولماعاندا اقشانىڭ كىشكەنە بولىگىن 10، 20 ملرد دوللاردى قايتارساڭىزدار وندا بۇل – ەكونوميكامىزعا جاڭا سەرپىن بەرەدى. سىزدەر قوعامنىڭ ساياسي الەۋمەتتىك جاعدايىن جاقسارتا الاسىزدار. بۇل –سىزدەرگە كەلەسى سايلاۋدا كومەكتەسەدى.
ۇشىنشىدەن، ءادىل سايلاۋ جۇيەسىن قۇرۋ كەرەك. 30 جىل بويى سايلاۋ قورىتىندىسىن بۇرمالاپ كەلگەنىنە كۋا بولدىق. حالىق داۋىس بەرىپ تۇرىپ ىشىنەن الدانىپ تۇرعاندارىن سەزىپ تۇرادى. بۇعان جول بەرمەۋ كەرەك. پارلامەنتتەگى مىنا ادامدارمەن ەشتەڭە وزگەرتە المايسىزدار.
تورتىنشىدەن، ەسكى وندىرىستىك ساياساتىنان باس تارتۋ كەرەك. ول مۇلدە ءتيىمسىز. مەن قانشا جىل بويى اۆتوكولىكتەردىڭ تەك دوڭگەلەگىن سالىپ "وتاندىق" دەپ شىعاراتىندارىنا كۋا بولىپ كەلەمىن. بۇل – ناعىز الداۋ.
بەسىنشىدەن، قالا جانە وبلىس اكىمدەرىن حالىق ءوزى سايلاۋى كەرەك. سەبەبى حالىق سايلاعان اكىم ءوز جاۋاپكەرشىلىگىن سەزىنەدى. حالىقتى ويلامايتىن اكىمدەردى قايتا-قايتا قويا بەرەدى اۋىستىرىپ.
التىنشىدان، پرەزيدەنتتىڭ قوعامدىق قابىلداۋ ورىندارىن بۇكىل وبلىستاردا اشۋ كەرەك. بۇل – ماسەلەنىڭ قايدا جانە نەدە جاتقانىن كورسەتەدى. ءوزىمىزدىڭ ءالسىز جاقتارىمىزدى كورە الامىز. نەلىكتەن ادامدار استاناعا بارىپ، وزدەرىنىڭ ارىز-تالاپتارىن بىلدىرەدى. ويتكەنى جەرگىلىكتى مەملەكەتتىك ورگاندار جۇمىس ىستەمەيدى. ساياسي پارتيالار ءتيىستى مىندەتتەرىن ورىندامايدى" دەلىنگەن ۆيدەوۇندەۋدە.
پوسموترەت ەتۋ پۋبليكاسيۋ ۆ Instagram
پىكىر قالدىرۋ