"قازاقستان حالقىنا" قوعامدىق الەۋمەتتىك قورىنىڭ باسشىسى بولىپ بولات جامىشيەۆ تاعايىندالدى.
قوردىڭ قامقورشىلىق كەڭەسى "قازاقستان حالقىنا" قوعامدىق الەۋمەتتىك قورىنىڭ ءتوراعاسى قىزمەتىنە ءبىراۋىزدان بولات جامىشيەۆتىڭ كانديداتۋراسىن ۇسىنىپ، قولدادى.
پرەزيدەنت قاسىم-جومارت توقايەۆ ەلدەگى قالتالى ازاماتتاردى جاڭا اشىلعان قورعا اقشا سالۋعا شاقىرعان.
"قازاقستان حالقىنا" قورى تومەندەگىدەي مىندەتتەر اتقارادى:
- دەنساۋلىق ساقتاۋ، ءبىلىم بەرۋ جانە الەۋمەتتىك قولداۋ، مادەنيەت جانە سپورت سالالارىندا مەملەكەتتىك قولداۋ شارالارىنان تىس قوسىمشا قامتاماسىز ەتۋ ماسەلەلەرى بويىنشا قازاقستان حالقىنا قايىرىمدىلىق كومەك كورسەتۋ؛
- توتەنشە جاعدايلار كەزىندە جانە توتەنشە جاعداي رەجيمى ەنگىزىلگەندە زارداپ شەككەن حالىققا كومەك كورسەتۋ؛
- حالىقتىڭ الەۋمەتتىك وسال توپتارىنان مۇقتاج بالالار مەن بالالار ءۇشىن سپورتتىق ينفراقۇرىلىمنىڭ دامۋىنا جانە ونىڭ قولجەتىمدىلىگىن ارتتىرۋعا جاردەمدەسۋ؛
- قازاقستاننىڭ اۋماقتىق تۇتاستىعى مەن قاۋىپسىزدىگىن قورعاۋ كەزىندە قازا تاپقان قۇقىق قورعاۋ ورگاندارى، ارنايى ورگاندار قىزمەتكەرلەرىنىڭ، اسكەري قىزمەتشىلەردىڭ وتباسىلارىن قولداۋ؛
- قور قىزمەتىنىڭ وزگە باسىم باعىتتارى بويىنشا قايىرىمدىلىق كومەك كورسەتۋ.
قور حالىقارالىق قايىرىمدىلىق ۇيىمدارىنىڭ قاراجاتى، لوتەرەيا قىزمەتى وپەراتورى جانە باسقا دا مونوپوليستەردىڭ مىندەتتى اۋدارىمدارى، ءىرى بيزنەس تاراپىنان تۇراقتى اۋدارىم مەن كۆازيمەملەكەتتىك سەكتورعا ارنالعان قاراجاتتان قارجىلاندىرىلادى.
بولات جامىشيەۆ – قازاقستان بامۋ بانكى، قارجى مينيسترلىگى، وڭىرلىك دامۋ مينيسترلىگىن باسقارعان. سونداي-اق ول قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنىڭ ءتوراعاسى بولعان 2004-2006 جىلدار).
پىكىر قالدىرۋ