ءماجىلىستىڭ ەكس-دەپۋتات بەكبولات تىلەۋحان ەلدەگى بولعان جاعدايعا بايلانىستى پىكىر ءبىلدىردى. بۇل تۋرالى ول الەۋمەتتىك جەلىدەگى پاراقشاسىندا جازدى.
– وتىز جىلدىق ءتول تاريحىمىزدا وسىنداي قيىن، اۋقىمدى ءارى كۇردەلى سىناققا تۇڭعىش رەت بەتپە-بەت كەلدىك. تاعدىردىڭ تالاي تەزىنەن وتكەن ەلىمىز بۇل سىندارلى كەزەڭنەن سىنىپ قالماي وتە ءبىلدى. ءقاۋىپتىڭ بۇلتى سەيىلدى، كۇردەلى كۇندەر ارتتا قالدى، – دەدى تىلەۋحان.
ول رەسپۋبليكالىق تەلەارنالارعا بەرگەن سۇحباتىندا مۇنداي جاعدايلارعا ەشقاشان جول بەرىلمەۋى كەرەگىن اتاپ ءوتتى.
– ەندىگى ءبىزدىڭ تەمىرقازىق ەتىپ، بۇلجىماس قاعيدا قىلاتىنىمىز — بەرەكە-بىرلىك، تىنىشتىق پەن تۇراقتىلىقتىڭ ءقادىرىن ءبىلىپ، ساقتاۋىمىز. تاۋەلسىزدىك – ءبىزدىڭ باستى بايلىعىمىز. وتكەننەن ونەگە، سىناقتاردان ساباق الايىق. ەڭ باستىسى – ەندى مۇنداي جاعدايعا ەشقاشان جول بەرمەۋىمىز، – دەپ جازدى ەكس-دەپۋتات جەلىدە.
ايتا كەتەيىك، ەل ىشىندە جۋىردا عانا وكىلەتتىگى توقتاتىلعان دەپۋتات بەكبولات تىلەۋحان ۇستالعانى تۋرالى اڭگىمە تاراعان بولاتىن. كەيىننەن بۇل اقپاراتتىڭ شىندىققا جاناسپايتىنى حابارلانىپ، تۋىستارى ونىڭ ساۋد ارابياسىندا مەككەدە ەكەنىن ايتقان
پىكىر قالدىرۋ