بۇرىنعى ەنەرگەتيكا ۆيسە-مينيسترى جۇماباي قاراعايەۆ ۇستالدى. بۇل تۋرالى ق ر افم باسپا ءسوز قىزمەتى حابارلادى.
"قارجى مونيتورينگى اگەنتتىگىنىڭ ماڭعىستاۋ وبلىسى بويىنشا اۋماقتىق دەپارتامەنتىنىڭ جەدەل-تەرگەۋ توبى بۇرىنعى ەنەرگەتيكا ۆيسە-مينيسترى جۇماباي قاراعايەۆتى ەلەكتروندىق ساۋدا الاڭدارىنىڭ باسشىلارىن سۇيىتىلعان مۇناي گازىنىڭ باعاسىن نەگىزسىز كوتەرۋگە قاتىسى بار دەگەن كۇدىكپەن ۇستادى" دەلىنگەن ۆەدومستۆو حابارلاماسىندا.
سوت قاراعايەۆقا تەرگەۋ ورگانى تاڭداعان جانە وبلىس پروكۋراتۋراسىنىڭ قولداۋىمەن 2 اي مەرزىمگە "قاماۋ" تۇرىندەگى بۇلتارتپاۋ شاراسىن سانكسيالاعان.
تەرگەۋ جالعاسۋدا.
بۇگىن جۇماباي قاراعايەۆ ەنەرگەتيكا ۆيسە-مينيسترى قىزمەتىنەن بوساتىلعان بولاتىن.
پىكىر قالدىرۋ