بۇرىنعى دەنساۋلىق ساقتاۋ ءمينيسترى ەلجان ءبىرتانوۆ قارجى مونيتورينگى اگەنتتىگى زاڭبۇزۋشىلىقتارعا جول بەرىپ جاتقانىن مالىمدەدى. بۇل تۋرالى ەكس-شەنەۋنىك ءوزىنىڭ Facebook پاراقشاسىنا جازدى.
– ءوزىمدى قورعاۋ قۇقىعىم قايتا بۇزىلىپ جاتىر. تەرگەۋ جۇرگىزۋ كەزىندە قارجى مونيتورينگى تاراپىنان زاڭدى ورەسكەل بۇزعانى تۋرالى ءبىزدىڭ شاعىمدارىمىز جانە باس پروكۋراتۋراعا جىبەرىلگەن ءتيىستى شارالار قابىلداۋ تۋرالى ءوتىنىش قارالماعان، الايدا ايىپتاۋ اكتىسى بەكىتىلگەن. ياعني ءبىزدىڭ ۇستانىمىمىز بەن قۇقىعىمىز ەشكىمدى قىزىقتىرماي ما؟، – دەپ جازدى ءبىرتانوۆ جەلىدە.
ەكس-مينيستر 2020 جىلعى 3 قاراشادا اسا ءىرى كولەمدە بيۋدجەت قارجىسىن ىسىراپ ەتۋ فاكتىسى بويىنشا كۇدىككە ءىلىنىپ، قاماۋعا الىنعان.
7 قاراشادا ءبىرتانوۆقا قاتىستى بۇلتارتپاۋ شاراسى وزگەرتىلىپ، ءۇي قاماققا الىنعان. مۇنان سوڭ ءۇي قاماققا الۋ شاراسى الدەنەشە رەت ۇزارتىلعان.
2021 جىلدىڭ 26 ساۋىردە ءبىرتانوۆتىڭ كوممەرسيالىق قۇرىلىمدا جۇمىس ىستەپ جاتقانى تۋرالى اقپارات شىقتى.
پىكىر قالدىرۋ