الماتىدا 17 قاڭتاردان باستاپ مەترو جۇمىسىن باستايدى. بۇل تۋرالى قالالىق موبيلدىلىك باسقارماسى حابارلادى.
"الماتى مەتروسى اعىمداعى جىلدىڭ 17 قاڭتارىندا ساعات 07.00-دەن 21.00-گە دەيىن جولاۋشىلار ءۇشىن اشىق. پويىزداردىڭ قوزعالىس ارالىعى قاربالاس ۋاقىتتا 10 مينۋت، ال قالعان ۋاقىتتا 13 مينۋت بولادى. مەترو كەستەسىندەگى قوسىمشا وزگەرىستەر كەيىنىرەك حابارلانادى" دەلىنگەن باسقارما تاراتقان اقپاراتتا.
سونىمەن قاتار، 17 قاڭتاردان باستاپ قالاداعى قوعامدىق كولىكتەر، ونىڭ ىشىندە تروللەيبۋستار مەن قالا ماڭىنداعى مارشرۋتتار ساعات 21.00-گە دەيىن جۇرەدى. وسىلايشا، قالالىق مارشرۋتتار ساعات 08.00-دەن 21.00-گە دەيىن، قالا ماڭىنداعى مارشرۋتتار – 09.00-دەن 21.00-گە دەيىن جۇمىس ىستەيدى.
پىكىر قالدىرۋ