اتىراۋ قالاسىنىڭ اكىمى قايرات ورازبايەۆ قىزمەتىنەن بوساتىلدى. اقپاراتتى وبلىس اكىمىنىڭ باسپا ءسوز قىزمەتى راستادى.
"اتىراۋ قالاسىنىڭ اكىمى قايرات ورازبايەۆ ەمدەلۋ ءۇشىن 30 جەلتوقساندا ەڭبەك دەمالىسىن العان بولاتىن. قالا اكىمى 10 قاڭتاردا جۇمىسقا كەرى شاقىرتىلىپ الىندى. الايدا، ول كەلەسى كۇنى دەنساۋلىعىنا بايلانىستى ەڭبەككە جارامسىزدىق پاراقشاسىن اشتىردى. وبلىس اكىمىنىڭ وكىمىمەن قايرات ورازبايەۆ 14 قاڭتار كۇنى ءوزىنىڭ ءوتىنىشى نەگىزىندە اتىراۋ قالاسى اكىمى قىزمەتىنەن بوساتىلدى" دەلىنگەن وبلىس اكىمىنىڭ باسپا ءسوز قىزمەتى حابارلاماسىندا.
قالا اكىمىنىڭ مىندەتىن ۋاقىتشا قالا اكىمىنىڭ ورىنباسارى جۇمابەك قاراجانوۆ اتقارادى.
قايرات ورازبايەۆ اتىراۋ قالاسى اكىمىنىڭ قىزمەتىنە 2020 جىلدىڭ قاڭتار ايىندا تاعايىندالعان بولاتىن.
پىكىر قالدىرۋ