ءبىلىم جانە عىلىم مينيسترلىگى 2022 جىلدىڭ 1 قىركۇيەگىنەن باستاپ ستۋدەنتتەردىڭ شاكىرتاقىسى تاعى دا وسەتىنىن حابارلادى.

مينيسترلىك تاراتقان اقپاراتقا سۇيەنسەك، باكالاۆرلاردا وقيتىنداردىكى – 20%-عا، ماگيسترانتتار مەن دوكتورانتتاردا وقيتىنداردىكى – 15%-عا ارتادى.

وتكەن جىلى ستيپەنديا ءدال وسىنداي مولشەردە وسكەنىن بولاتىن (15% جانە 20%). 
– ەندى وسى جىلدىڭ قىركۇيەك ايىنان باستاپ پەداگوگيكا ماماندارىن دايارلاۋ باعىتى بويىنشا وقيتىن ستۋدەنتتەر – 58 مىڭ تەڭگەدەن استام، باسقا باعىتتار بويىنشا ءبىلىم الاتىندار – 37 مىڭ تەڭگەگە جۋىق شاكىرتاقى الا باستايدى. ماگيسترانتتاردىڭ شاكىرتاقىسى – 86 987 تەڭگەگە دەيىن، دوكتورانتتاردىڭ شاكىرتاقىسى – 195 000 تەڭگەگە دەيىن وسەدى، – دەدى. بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.