ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتىڭ ءىسى "وتە قۇپيا" دەگەن ساناتتا جۇرگىزىلىپ جاتىر. بۇل تۋرالى ريا اقپارات اگەنتتىگى مالىمدەدى.
ۇقك ءماسىموۆ قىلمىستىق كودەكستىڭ ءۇش بابىندا كوزدەلگەن قىلمىس بەلگىلەرى بويىنشا تەرگەلىپ جاتقانىن حابارلادى. ولار:
- مەملەكەتكە وپاسىزدىق جاساۋ؛
- بيلىكتى كۇشتەپ باسىپ الۋعا باعىتتالعان ارەكەتتەر؛
- بيلىكتى اسىرا پايدالانۋ.
ماسىموۆپەن بىرگە ۇقك ءتوراعاسىنىڭ بۇرىنعى ورىنباسارى – "ا" ارنايى ماقساتتاعى قىزمەتىنىڭ باستىعى ا.سادىقۇلوۆ پەن ۇقك ءتوراعاسىنىڭ بۇرىنعى ورىنباسارى د. ەرعوجين تەرگەلىپ جاتىر.
ۇقك-نىڭ بۇرىنعى ءتوراعاسى كارىم ءماسىموۆ 6 قاڭتاردا ۇستالىپ، نۇر-سۇلتان قالاسى تەرگەۋ سوتىنىڭ شەشىمىمەن 2 ايعا قاماۋعا الىنعان.
پىكىر قالدىرۋ