سولتۇستىك كورەيا تەڭىزگە قىسقا قاشىقتىقتاعى ەكى بالليستيكالىق زىمىران ۇشىردى. بۇل تۋرالى بەيسەنبى كۇنى وڭتۇستىك كورەيا مەن جاپونيا ءمالىم ەتتى.
"Yonhap" اقپاراتتىق اگەنتتىگىنىڭ مالىمەتىنە سايكەس، وڭتۇستىك كورەيانىڭ بىرىككەن شتاب باستىقتارى جۋرناليستەرگە جىبەرگەن ماتىندىك حابارلامادا "بۇل التىنشى ۇشىرىلىم" ەكەنى ايتىلعان.
اقپاراتتىق اگەنتتىك زىمىران شامامەن 20 كم بيىكتىكتە 190 كم ۇشىپ وتكەنىن جاريالادى.
"ءبىزدىڭ اسكەريلەر سولتۇستىك كورەيانىڭ ءتيىستى قوزعالىستارىن مۇقيات قاداعالاپ، دايىندىق كۇيىن ساقتاۋدا" دەلىنگەن وڭتۇستىك كورەيانىڭ بىرىككەن شتاب باستىقتارىنىڭ جۋرناليستەرگە جىبەرگەن حابارلاماسىندا.
جاپونيا پرەمەر-مينيسترى فۋميو كيشيدا ۇشىرۋلار تۋرالى ەگجەي-تەگجەيلى اقپارات ءالى دە جينالىپ جاتقانىن، ءبىراق كەز كەلگەن بالليستيكالىق زىمىران سىناقتارى "وتە وكىنىشتى" جاعداي ەكەنىن مالىمدەدى. ول بۇنداي ارەكەتتەر بىرىككەن ۇلتتار ۇيىمى قاۋىپسىزدىك كەڭەسىنىڭ قارارلارىن بۇزاتىنىن ايتتى.
پىكىر قالدىرۋ