قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ Nur Otan پارتياسىنىڭ كەزەكتەن تىس سەزىندە سويلەگەن ءسوزىنىڭ ۆيدەوسى جاريالاندى.
نۇرسۇلتان نازاربايەۆ سەزدىڭ تاريحي مانىنە توقتالىپ، قاسىم-جومارت توقايەۆتى Nur Otan پارتياسىنىڭ ءتوراعاسى ەتىپ سايلاۋ تۋرالى ۇسىنىسىن پارتيالاستارى قولدايتىنىنا سەنىم بىلدىرگەن.
– كەيىنگى ءبىر جارىم جىل ىشىندە پارتيا جۇيەلى تۇردە قايتا جاڭعىردى. ونى تولىق باسقارۋدى قازىرگى مەملەكەت باسشىسى قاسىم-جومارت كەمەل ۇلى توقايەۆقا تاپسىرۋ بۇل پروسەستىڭ سوڭعى كەزەڭى دەپ سانايمىن. پارتيادان پرەزيدەنت سايلاۋىنا ۇسىنىلعان جانە قولداۋىنا يە بولعان ادام ونى باسقارۋعا ءتيىس. بۇگىندە قازاقستان پرەزيدەنتىنىڭ باسشىلىعىمەن ماڭىزدى الەۋمەتتىك-ەكونوميكالىق جانە ساياسي رەفورمالار جۇزەگە اسۋدا. بارلىق قاجەتتى رەسۋرسى بار "Nur Otan" پارتياسى ولاردى ورىنداۋ بارىسىندا سەنىمدى تىرەك بولۋى كەرەك، – دەدى ەلباسى.
سەزد شەشىمىمەن قازىرگى پرەزيدەنت قاسىم-جومارت توقايەۆ Nur Otan پارتياسىنىڭ ءتوراعاسى بولىپ سايلانعان.
19 قاڭتاردا ءماجىلىس نۇرسۇلتان نازاربايەۆتىڭ قاۋىپسىزدىك كەڭەسى مەن قازاقستان حالقى اسسامبلەياسىنا ءومىر بويى ءتوراعالىق ەتۋ قۇقىعىنىڭ كۇشىن جوياتىن كونستيتۋسيالىق زاڭدارعا تۇزەتۋ ەنگىزگەن.
27 قاڭتاردا سەنات دەپۋتاتتارى زاڭ جوباسىن قاراپ، پرەزيدەنت مەملەكەتتىك باستامالاردى ەلباسىمەن كەلىسۋى قاجەت دەگەن نورمالاردىڭ كۇشىن جويۋدى ۇسىنىپ، ماجىلىسكە جىبەرگەن.
پىكىر قالدىرۋ