پرەزيدەنت قاسىم-جومارت توقايەۆ ۇقشۇ بىتىمگەرشىلىك كونتينگەنتىنىڭ قاڭتارداعى تارتىپسىزدىكتەر كەزەڭىنە قاتىسۋىنا قاتىستى تۇسىنىك بەردى.
– ۇقشۇ-عا ءوتىنىش بىلدىرگەندە، مەن بوتەن ادامدارعا ەمەس وزىمە جانە وداقتاستارىما جۇگىندىم. (...) قازاقستانعا كەلگەن ۇقشۇ بىتىمگەرشىلىك كونتينگەنتى بىردە-بىر وق اتقان جوق. باسىنان باستاپ بۇل كونتينگەنت قاۋىپسىزدىكتى قامتاماسىز ەتۋ، ياعني ستراتەگيالىق نىسانداردى قورعاۋ فۋنكسيالارىن ورىندايدى دەگەن ۋاعدالاستىققا قول جەتكىزىلدى. قالعان سۇراقتاردى ءبىز ءوزىمىز شەشەمىز. بىزگە تىل كەرەك ەدى. بىتىمگەرشىلىك كونتينگەنتىنىڭ قازاقستانعا كەلۋى تۋرالى حاباردىڭ ءوزى بانديتتەر ءۇشىن وتە ماڭىزدى پسيحولوگيالىق، قورقىنىشتى ءرول اتقارعانىن جاقسى ءتۇسىنۋ كەرەك. بۇل كۇش ەكەنى تۇسىنىكتى. ايتپاقشى، بۇل –رەسەيدەن باسقا بەلارۋس، تاجىكستان، ارمەنيا جانە قىرعىزستاننىڭ اسكەري بولىمدەرى بىرىككەن كونتينگەنت، – دەپ ءتۇسىندىردى توقايەۆ.
سۇحبات بارىسىندا ول "قازاقستان ەندى رەسەيگە قارىز" دەگەن پىكىرگە تۇسىنىك بەردى.
– مەن ۆلاديمير ۆلاديميروۆيچ پۋتينمەن كوپ سويلەسسەم دە مۇنداي ەشقانداي اڭگىمە بولمادى دەپ جاۋاپكەرشىلىكپەن ايتامىن، ءبىز كەيىنىرەك ەسەپتەسەمىز دەگەن دە، ارينە، بولمادى. كرەملدىڭ الدىن الا شارتتارى دا بولعان جوق. اقىر سوڭىندا رەسەي قازاقستان ءۇشىن وداقتاس مەملەكەت، – دەدى توقايەۆ.
پىكىر قالدىرۋ