ەرجان باباقۇماروۆ الماتى قالاسى اكىمىنىڭ ورىنباسارى لاۋازىمىنان بوساتىلدى. بۇل تۋرالى نەحابار تەلەگرام كانالى حابارلادى.
اتالعان قىزمەتكە ول 2019 جىلدىڭ شىلدەسىندە تاعايىندالعان.
باباقۇماروۆ ەرجان جالباق ۇلى 1969 جىلى 2 ناۋرىزدا تالدىقورعان وبلىسىندا تۋعان. 1991 جىلى ءال-فارابي اتىنداعى قازۇۋ "ساياسات تاريحىنىڭ وقىتۋشىسى" ماماندىعى بويىنشا بىتىرگەن.
ءار جىلدارى قازاقستان دامۋ ينستيتۋتىندا، الماتى قالاسى اكىم اپپاراتىندا، پرەزيدەنت اكىمشىلىگىندە، مادەنيەت جانە اقپارات مينيسترلىگىندە، پرەمەر-مينيستر كەڭسەسىندە ىستەگەن.
2012-2016 جىلدارى پرەزيدەنت جانىنداعى ورتالىق كوممۋنيكاسيالار قىزمەتىنىڭ ديرەكتورى، 2019 جىلى پرەزيدەنت قاسىم-جومارت توقايەۆتىڭ كەڭەسشىسى بولعان.
ول الماتىنىڭ ەكس-اكىمى باقىتجان ساعىنتايەۆتىڭ ورىنباسارى بولا ءجۇرىپ، يدولوگيا سالاسىنا جاۋاپتى بولعان.
كەشە باقىتجان ساعىنتايەۆ قىزمەتىنەن كەتىپ، ونىڭ ورنىنا الماتى قالاسىنىڭ اكىمى بولىپ ەربولات دوسايەۆ تاعايىندالعان.
پىكىر قالدىرۋ