"امەريكا قۇراما شتاتتارى ناتو-نىڭ "مىقتى قورعانىسىن" قامتاماسىز ەتۋ ءۇشىن ەۋروپاعا قوسىمشا 2000 ساربازىن جىبەردى، سونىمەن قاتار، گەرمانيادان رۋمىنياعا تاعى 1000 ساربازىن قايتا ورنالاستىرىپ جاتىر" دەپ حابارلادى پەنتاگون.
ۆاشينگتون مەن ماسكەۋ اراسىنداعى جۋىرداعى كەلىسسوزدەر شيەلەنىستى باسەڭدەتە الماعان.
اقش قورعانىس مينيسترلىگىنىڭ باسپا ءسوز حاتشىسى دجون كيربي جۋرناليستەرگە اسكەرلەر جاقىن ارادا جىبەرىلەتىنىن ايتتى. ونىڭ سوزىنشە، بۇل وتكەن اپتادا پەنتاگون ايتقان 8500 ساربازدان بولەك جاۋىنگەرلەر.
"بۇل – كۇش اگرەسسيانى بولدىرماۋعا جانە مايدانداعى وداقتاس مەملەكەتتەردىڭ قورعانىس قابىلەتىن ارتتىرۋعا ارنالعان" دەدى دجون كيربي.
پەنتاگون باسپا ءسوز حاتشىسىنىڭ ايتۋىنشا، رەسەي پرەزيدەنتى ۆلاديمير پۋتين سوڭعى 24 ساعاتتىڭ وزىندە شەكارالاردا اسكەري كۇشتەردى كوبەيتىپ جاتىر. رەسەيدىڭ باتىسى مەن بەلارۋستە، جەرورتا تەڭىزى مەن اتلانت مۇحيتىنىڭ سولتۇستىگىنە رەسەيلىك ساربازدار جىبەرىلىپ، شابۋىلداۋ ءقاۋپىن ارتتىرۋدا.
"پۋتين شيەلەنىستى باسەڭدەتۋگە مۇددەلى ەكەنىن كورسەتكەن جوق" دەدى كيربي.
پىكىر قالدىرۋ