جاڭاوزەن قالاسىنىڭ جۇمىسسىز تۇرعىندارى ماسەلەگە نازار اۋدارۋدى سۇراپ پرەزيدەنت قاسىم-جومارت توقايەۆقا ۇندەۋ جولدادى. ولار ءوز ۇندەۋىندە جەرگىلىكتى بيلىككە سەنىم ارتپايتىندارىن جەتكىزگەن.
"ءبىز، جاڭاوزەن قالاسىنىڭ ءبىر توپ جۇمىسسىز تۇرعىندارىمىز. قالادا جۇمىسسىزدىق ماسەلەسى ءالى كۇنگە دەيىن شەشىلگەن جوق. جاڭاوزەن قالاسى اكىمدىگىنىڭ 2020 جىلى ۇسىنعان تىزىم-سحەمانىڭ ءادىل ورىندالىپ جاتقانىنا سەنىمسىزدىك بىلدىرەمىز. سونىمەن قاتار، مۇناي-گاز سالاسىنداعى بارلىق جۇمىسسىز ازاماتتاردى تۇراقتى جۇمىسقا ورنالاستىرۋدى تالاپ ەتەمىز" دەلىنگەن ۇندەۋدە.
جاڭاوزەندىكتەر توقايەۆقا تالاپ قويعان جيىن نۇر-سۇلتان ۋاقىتىمەن ساعات 12.00-دە ءوتتى. قازىرگى ۋاقىتتا كوشەگە شىققانداردىڭ ءبىر بولىگى كەتىپ قالسا، ءبىر بولىگى ءالى دە قالالىق اكىمدىك ماڭىندا تۇر.
پىكىر قالدىرۋ