قۇرىلىس ماتەريالدارى سالاسىنداعى Alina Group كومپانيالار توبىنىڭ پرەزيدەنتى ەرلىك بالفانبايەۆ رۇحساتسىز ءوزى جانە كومپانياسى تۋرالى اقپارات جاريالاماۋدى سۇراۋ سەبەبىن ءتۇسىندىردى.

كاسىپكەر ءوزى جانە كومپانياسى تۋرالى اقپاراتتى كەلىسىپ جاريالاۋ تۋرالى ءوتىنىش جانساق اقپارات تارالماس ءۇشىن جاسالعانىن جەتكىزدى.

– ماسەلەن، 2015 جىلعى ماتەريالدا ءبىز مەملەكەتتەن قارجى العانىمىز تۋرالى اتاپ وتىلگەن. ال ءىس جۇزىندە كومپانيا العان اقشالاردىڭ ءبارى ەكىنشى دەڭگەيلى بانكتەردەن پايىزبەن الىنعان ەدى، قايتارىمسىز قولداۋ تۋرالى اڭگىمە بولماعان. سونداي-اق ماعان ءوزىم جايلى "وليگارح" دەگەندى وقۋ ءبىرتۇرلى. وليگارحيا مەملەكەتتىك بيلىك اۋىسپايتىن تۇلعالاردان تۇراتىن شاعىن توپقا تيەسىلى اۆتوكراتيانىڭ ءتۇرى سانالادى. مەنىڭ مۇندايعا ەشقاشان قاتىسىم بولماعان. كومپانيامنىڭ دا بيلىكپەن ەشقانداي بايلانىسى جوق. مەن تانىمال ادام ەمەسپىن، ويتكەنى تانىمالدىققا قۇمارتپايمىن. مەن ەشقاشان ساياساتقا، بيلىككە بارمايمىن. سوندىقتان بيزنەسپەن شۇعىلدانىپ، قازاقستان ەكونوميكاسىنا ۇلەس قوسقىم كەلەدى، – دەيدى بيزنەسمەن.

سونداي-اق ول "بايلىعىن ادال جولمەن جيماعان بيزنەسمەندەر ونىسىن بولىسۋگە ءتيىس" دەگەن تىركەستەر وعان قاراما-قايشى كەلەتىنىن ايتادى.

– مەن ءار تيىنىمدى ادال جولمەن تاپتىم. مەنىڭ كاپيتالىمنىڭ قايناركوزى ساتتىلىكتە، مەملەكەتتىك تاپسىرىستا، نەمەسە بيۋدجەت قارجىسىن تالان-تاراجعا سالۋدا ەمەس، مەن جانە كارەرلەرىم مەن زاۋىتتارىمداعى كەز كەلگەن جۇمىسشى كۇندەلىكتى اينالىساتىن اۋىر ەڭبەكتە جاتىر. بيزنەسىم ەشقاشان بيلىك قامقورلىعىندا بولماعان. ءبىزدىڭ ەلدە ءار قىزمەتكەرىڭە، ساتىپ الۋشىلارعا، بيلىككە ءپرينسيپتى تۇردە ءادىل بولۋ ارقىلى اشىق، تازا، ءىرى كاسىپ قۇرۋعا بولادى. مەنىڭ ومىرلىك مىسالىن سونى ايعاقتاپ تۇر، – دەيدى ەرلىك بالفانبايەۆ.