"ەۋروپا رەسەيدىڭ ۋكرايناعا باسىپ كىرۋىنەن قاۋىپتەنىپ، قىرعي-قاباق سوعىستان كەيىنگى ەڭ ءقاۋىپتى ءساتتى باستان وتكەرۋدە" دەپ مالىمدەدى ەۋروپا وداعىنىڭ سىرتقى ساياسات بويىنشا باسشىسى جوزەپ بوررەل.
"مەنىڭ تۇسىنۋىمشە، ءبىز قىرعي-قاباق سوعىس اياقتالعاننان كەيىنگى ەۋروپاداعى قاۋىپسىزدىك ءۇشىن ەڭ قاتەرلى ساتتە ءومىر ءسۇرىپ جاتىرمىز" دەدى بوررەل دۇيسەنبىدە جۋرناليستەرگە.
قازىرگى كەزدە ەۋروپا ەلدەرىنىڭ شەشىمدەرى ءۇشىن فرانسيا پرەزيدەنتى ەممانۋەل ماكرون ماڭىزدى ءرول اتقارۋدا. ول ماسكەۋگە ساپارى بارىسىندا رەسەي پرەزيدەنتى ۆلاديمير پۋتينگە سوعىستى بولدىرماي، ءوزارا سەنىم ورناتۋدى ماقسات ەتەدى.
ماكرون – ۋكراينا شەكاراسىنا رەسەيلىك كۇشتەر جينالعاننان بەرگى ماسكەۋگە كەلگەن العاشقى باتىس كوشباسشىسى.
ساۋىردە قايتا پرەزيدەنت بولىپ سايلانۋعا ۇمتىلاتىن ماكرون ءوزىن ۋكراينا داعدارىسى بويىنشا الەۋەتتى ۇيلەستىرۋشى رەتىندە كورسەتىپ جاتىر. پاريج ۆاشينگتوننىڭ جانە باسقا دا باتىس ەلدەرىنىڭ "رەسەي شابۋىلى بولادى" دەگەن بولجامدارىنا كۇمانمەن قارايدى.
ماكرون رەسەي پرەزيدەنتىنە "پايدالى" جاۋاپ ىزدەپ جاتقانىن ايتتى.
"بۇل بىزگە، ارينە، سوعىستى بولدىرماۋعا، سەنىم، تۇراقتىلىق جانە اشىقتىققا مۇمكىندىك بەرەدى" دەدى فرانسۋز پرەزيدەنتى. پۋتين ءوز كەزەگىندە رەسەي مەن فرانسيانىڭ "ەۋروپاداعى قاۋىپسىزدىك سالاسىندا بولىپ جاتقان جاعدايعا قاتىستى ورتاق الاڭداۋشىلىعى بار ەكەنىن" ءبىلدىردى.
"ەۋروپاداعى قاۋىپسىزدىكتى قامتاماسىز ەتۋ ءۇشىن داعدارىستى تاريحي تۇرعىدان شەشۋ جولىندا فرانسيا پرەزيدەنتىنىڭ قانشالىقتى كۇش سالىپ جاتقانىنا كۋا بولىپ وترمىن" دەدى پۋتين.
بۇگىن كييەۆكە دە باراتىن ماكرون ساپارى قارساڭىندا "Journal du Dimanche" گازەتىنە "رەسەيدىڭ بۇگىنگى گەوساياسي ماقساتى – ۋكراينا ەمەس، ناتو جانە ەو-مەن ەرەجەلەردى ناقتىلاۋ ەكەنى انىق" دەپ سۇحبات بەرگەن.
ۋكراينا داعدارىسىنا بايلانىستى باتىس ەلدەرى مەن رەسەي اراسىنداعى شيەلەنىس قالاي ءوربىپ جاتىر:
- "رەسەي ۋكرايناعا باسىپ كىرۋ ءۇشىن سىلتاۋ دايىنداپ جاتىر" دەپ حابارلادى ءال-جازيرا تەلەارناسى.
- "رەسەي ۋكرايناعا باسىپ كىرۋى مۇمكىن" دەگەن ءقاۋىپ كۇشەيگەن كەزدە اقش-تىڭ مەملەكەتتىك حاتشىسى ەنتوني بلينكەن ەۋروپاعا باردى.
- "بارلىق نۇسقا تىس قالمايدى. ديپلوماتيالىق نۇسقا دا". اقش مەمحاتشىسى ەۋروپاعا نەگە بارا جاتىر؟
- دجو بايدەن رەسەي ۋكرايناعا شابۋىل جاساسا، ماسكەۋدى "اپات" كۇتىپ تۇرعانىن ەسكەرتتى.
- اقش بارلاۋ اگەنتتەرى رەسەي ۋكرايناعا قاشان شابۋىلداۋى مۇمكىن ەكەنىن جاريالادى.
- رەسەي سوعىس ۇشاقتارى كييەۆكە جاقىن بەلارۋس ەلىنە جينالدى.
- اعىلشىن ساياساتكەرى رەسەي ۋكرايناعا باسىپ كىرەتىنى ءسوزسىز ەكەنىن جانە شابۋىل جاقىن ارادا بولاتىنىن مالىمدەدى.
- اقش، ۇلىبريتانيا ۋكرايناعا قارۋ-جاراق جىبەرىپ جاتىر.
- دانيا، يسپانيا، فرانسيا جانە نيدەرلاندى شىعىس ەۋروپاعا جويعىش ۇشاقتار مەن اسكەري كەمەلەر جىبەرۋدە.
- رەسەي ىقتيمال شابۋىل تۋرالى اقپاراتتاردى جوققا شىعاردى.
- گەرمانيا قازىرگە ۋكرايناعا قارۋ-جاراق بەرمەيتىنىن ايتتى ءبىراق مەديسينالىق كومەك كورسەتەتىنىن جاريالادى.
- ەكى جاق (باتىس-رەسەي) سوعىسقا دايىندىقپەن قوسا، ديپلوماتيالىق كەلىسىمگە كەلۋگە تىرىسۋدا.
- فرانسيا مەن گەرمانيا رەسەيدى ديالوگقا شاقىردى.
- رەسەي، ۋكراينا، گەرمانيا جانە فرانسيا ديپلوماتتارى كەلىسسوز جۇرگىزدى.
- باتىس ەلدەرى ۋكرايناعا شابۋىل جاسالسا، زاردابى اۋىر بولاتىنىن مالىمدەدى.
- اقش ءوز ازاماتتارىن ۋكراينادان شىعىپ كەتۋگە شاقىردى.
- "ءبىز قالاي بولسا دا دايىنبىز". ناتو رەسەيدىڭ تالابىن تويتاردى.
- بايدەن: بۇل – ەكىنشى دۇنيەجۇزىلىك سوعىستان كەيىنگى ەڭ ءىرى شابۋىل بولۋى مۇمكىن.
- بايدەن رەسەيدىڭ ۋكرايناعا قاشان شابۋىل جاسايتىنىن ايتتى.
-
ۆاشينگتون رەسەي قۇبىرىن جاۋىپ، بۇۇ قاۋىپسىزدىك كەڭەسىنىڭ وتىرىسىن وتكىزەتىنىن جاريالادى.
- بۇۇ قاۋىپسىزدىك كەڭەسىنىڭ وتىرىسى بارىسىندا رەسەي مەن اقش وكىلدەرى سوزگە كەلىپ قالدى.
- رەسەي وكىلى كييەۆتىڭ "ءوز تۇبىنە ءوزى جەتەتىنىن" ايتتى.
- ۆاشينگتون مەن ماسكەۋ اراسىنداعى كەلىسسوزدەر شيەلەنىستى باسەڭدەتە المادى.
- اقش ەۋروپاعا كوبىرەك اسكەر جىبەرەتىنىن جاريالادى.
- رەسەي ۆاشينگتوننىڭ ەۋروپاعا كوبىرەك اسكەر جىبەرۋ شەشىمىن ايىپتادى.
- اقش: رەسەي ۋكرايناعا باسىپ كىرۋگە 70% دايىن. كييەۆ بىرنەشە كۇندە قيرايدى.
-
فرانسيا پرەزيدەنتى: رەسەيمەن سوعىسسىز كەلىسىمگە كەلە الامىز.
- اقش پەن گەرمانيا رەسەيدى قالاي "جازالاۋعا" كەلىستى.
-
ۇلىبريتانيا سانكسيالاردى قولدايتىنىن ءبىلدىردى.
-
سەيسەنبىدە ۇلىبريتانيا پرەمەر-مينيسترى بوريس دجونسون The Times گازەتىندە ۇلىبريتانيانىڭ ايماققا كورولدىك اۋە كۇشتەرىنىڭ جويعىشتارى مەن كورولدىك تەڭىز فلوتىنىڭ اسكەري كەمەلەرىن ورنالاستىرۋ مۇمكىندىگىن قاراستىرىپ جاتقانىن ايتتى.
-
ەۋروپا: ەڭ ءقاۋىپتى ساتتە تۇرمىز
پىكىر قالدىرۋ