جاڭاوزەندە جۇمىسسىز ازاماتتاردى جۇمىسقا ورنالاستىرۋ ماسەلەسى بويىنشا وبلىستىق كوميسسيا جۇمىسىن باستادى. بۇل تۋرالى وبلىس اكىمىنىڭ باسپا ءسوز قىزمەتى ءمالىم ەتتى.
"بۇگىن، 8 اقپاندا، وبلىس اكىمىنىڭ ءبىرىنشى ورىنباسارى ابزال مەڭدىبايەۆتىڭ توراعالىعىمەن ماڭعىستاۋ وبلىسىنىڭ جاڭاوزەن قالاسىندا مۇناي-گاز سالاسىنداعى ۇيىمدارعا جۇمىسقا قابىلداۋ الگوريتمىنىڭ تولىق اشىقتىعىن قامتاماسىز ەتۋ جونىندەگى كوميسسيا قۇرىلدى.
كوميسسيا قۇرامىنا مەملەكەتتىك ورگانداردان باسقا جاڭاوزەن قالاسىنداعى جۇمىسسىزدار قاتارىنان باستاماشىل توپ وكىلدەرى دە كىردى. كوميسسيانىڭ نەگىزگى ماقساتى – باستاماشىل توپتىڭ بەلسەندىلەرىمەن بىرلەسىپ، ماسەلەنى شەشۋ جولدارىن قاراستىرۋ جانە ەكى جاققا دا قولايلى وڭتايلى شەشىمگە كەل" دەلىنگەن اقپاراتتىق حابارلامادا.
3 اقپاندا جاڭاوزەننىڭ جۇمىسسىز تۇرعىندارى توقايەۆقا ۇندەۋ جولداپ، ماسەلەگە نازار اۋدارۋدى سۇراعان.
"قالادا جۇمىسسىزدىق ماسەلەسى ءالى كۇنگە دەيىن شەشىلگەن جوق. جاڭاوزەن قالاسى اكىمدىگىنىڭ 2020 جىلى ۇسىنعان تىزىم-سحەمانىڭ ءادىل ورىندالىپ جاتقانىنا سەنىمسىزدىك بىلدىرەمىز. سونىمەن قاتار، مۇناي-گاز سالاسىنداعى بارلىق جۇمىسسىز ازاماتتاردى تۇراقتى جۇمىسقا ورنالاستىرۋدى تالاپ ەتەمىز" دەلىنگەن ۇندەۋدە.
پىكىر قالدىرۋ