اقش پرەزيدەنتى دجو بايدەن ۋكرايناداعى بارلىق امەريكالىق ازاماتتاردى ەلدەن دەرەۋ كەتۋگە شاقىردى.
بايدەن ماسكەۋ ۋكرايناعا باسىپ كىرەتىن بولسا، امەريكالىقتاردى قۇتقارۋ ءۇشىن اسكەر جىبەرمەيتىنىن، ايماقتا جاعداي تەز وزگەرۋى مۇمكىن ەكەنىن ەسكەرتتى.
رەسەي ۋكراينامەن شەكارا ماڭىنا 100 مىڭنان استام اسكەر ورنالاستىرعانىنا قاراماستان، ۋكرايناعا باسىپ كىرۋ جوسپارىن بىرنەشە رەت جوققا شىعاردى.
ماسكەۋ كورشى بەلارۋسپەن جاپپاي اسكەري جاتتىعۋلاردى باستادى، ال ۋكراينا رەسەيدى "تەڭىزگە شىعۋىمىزعا توسقاۋىل قويدى" دەپ ايىپتادى.
كرەمل بۇرىنعى كەڭەستىك كورشىسىنىڭ ناتو-عا قوسىلماۋىن قالايدى، سونداي-اق ماسكەۋدىڭ تالابى بويىنشا ناتو شىعىس ەۋروپاداعى اسكەري ىقپالىن ازايتۋى كەرەك.
باتىس ەلدەرى مۇنى قابىلدامادى، ونىڭ ورنىنا كەلىسسوزدەردىڭ باسقا سالالارىن، مىسالى، يادرولىق قارۋدى قىسقارتۋ تۋرالى كەلىسسوزدەردى ۇسىندى.
پىكىر قالدىرۋ