مىسىر استاناسى كايردەگى كولەمى جاعىنان ءۇشىنشى ورىن الاتىن سۇلتان بەيبارىس تۇرعىزعان كونە مەشىتتى قايتا قالپىنا كەلتىرۋ جۇمىستارى جاندانادى. بۇل تۋرالى قازاقستان مۇسىلماندارى ءدىني باسقارماسى ءتوراعاسىنىڭ ورىنباسارى ەرشات وڭعار ءمالىم ەتتى.
"مىسىر اراب رەسپۋبليكاسىنىڭ ۋاقىپ ىستەرى مينيسترلىگىنىڭ ۇيىمداستىرۋىمەن كاير قالاسىندا ءوتىپ جاتقان "ازاماتتىق بىرىگەيلىلىك جانە ونىڭ قوعامداعى قاۋىپسىزدىكتى ساقتاۋداعى ءرولى" اتتى 32ء-شى حالىقارالىق كونفەرەنسيا جۇمىسى اياسىندا ۋاقىپ ىستەرى ءمينيسترى جانە يسلام ىستەرى جونىندەگى جوعارعى كەڭەستىڭ ءتوراعاسى، پروفەسسور مۇحتار جۇما مىرزامەن كەزدەستىم.
كەزدەسۋ بارىسىندا قازاقستان مەن مىسىر اراسىنداعى رۋحاني، تاريحي، عىلىمي، مادەني قارىم-قاتىناستار جونىندە سويلەستىك.
كايردەگى كولەمى جاعىنان 3ء-شى ورىن الاتىن سۇلتان بەيبارىس بابامىز تۇرعىزعان كونە مەشىتتى قايتا قالپىنا كەلتىرۋ جۇمىستارى ۇزاق جىلدار سوزىلىپ كەلگەن. وسىعان وراي، مينيستر مۇحتار جۇما بەيبارىس مەشىتتىنىڭ قايتا جوندەۋ جۇمىستارىن جالعاستىرۋعا ۋاقىپ مينيستىرلىگىنىڭ شوتىنان 2 000 000 دوللور قاراجات بولگەنىن جەتكىزدى.
قۇداي قالاسا، بابامىزدىڭ مەشىتىن جوندەۋ 2023 جىلى باستاپقى قالپىنا كەلتىرىلىپ، زيارات ەتۋشىلەردىڭ كوزايىمىنا اينالاتىنىنا سەنىم ءبىلدىردى" دەپ جازدى ەرشات وڭعار facebook پاراقشاسىندا
پىكىر قالدىرۋ