نۇرگۇل ماۋبەرلينوۆا اقپارات جانە قوعامدىق دامۋ ۆيسە-مينيسترى بولىپ تاعايىندالدى. بۇل تۋرالى primeminister.kz سايتى حابارلادى.

نۇرگۇل ماۋبەرلينوۆا 1973 جىلدىڭ قاراشا ايىندا قاراعاندى وبلىسىندا دۇنيەگە كەلگەن. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن جانە قازتۇتىنۋ وداعى قاراعاندى ەكونوميكالىق ۋنيۆەرسيتەتىن ءتامامداعان.

ەڭبەك جولىن 1992 جىلى باستاعان. ءار جىلدارى مەملەكەتتىك ورگاندار قۇرىلىمىندا جانە كوممەرسيالىق سەكتوردا جۇمىس ىستەدى.

2006-2008 جىلدارى – مادەنيەت جانە اقپارات مينيسترلىگىنىڭ اقپارات جانە مۇراعات كوميتەتىنىڭ باس مامانى، باس ساراپشىسى.

2008-2012 جىلدارى – پرەمەر-مينيستر كەڭسەسىنىڭ اقپاراتتىق-تالداۋ ورتالىعىنىڭ باس كونسۋلتانتى.

2012-2016 جىلدارى – پرەزيدەنت جانىنداعى "ورتالىق كوممۋنيكاسيالار قىزمەتى" رمم ديرەكتورىنىڭ ورىنباسارى، پارلامەنت ءماجىلىسى ءتوراعاسىنىڭ كەڭەسشىسى قىزمەتتەرىن اتقارعان.

2016-2018 جىلدارى – اقپارات جانە كوممۋنيكاسيالار مينيسترلىگىنىڭ اقپارات كوميتەتىنىڭ ءتوراعاسى.

2018-2019 جىلدارى – اقپارات جانە كوممۋنيكاسيالار ءمينيسترىنىڭ ورىنباسارى.

2019-2020 جىلدارى – اقپارات جانە قوعامدىق دامۋ ءمينيسترىنىڭ ورىنباسارى.

2020 جىلعى مامىردان باستاپ قازىرگى ۋاقىتقا دەيىن ق ر پرەزيدەنتى اكىمشىلىگى ىشكى ساياسات ءبولىمىنىڭ مەڭگەرۋشىسى بولدى.