ساياساتتانۋشى، بەلسەندى سانجار بوقايەۆ ساياسي پارتيا قۇراتىنىن ءمالىم ەتتى.

ساياساتتانۋشى مۇنداي شەشىمگە ۇكىمەتتىڭ ناشار جۇمىس ىستەيتىنى،  جەمقورلىقتىڭ جاپپاي جايىلۋى يتەرمەلەگەنىن ايتادى.

"ءبىز ءۇمىت ارتىپ، كۇتىپ شارشادىق. مەملەكەت ەستىگەندەي كەيىپ تانىتادى.   ماسەلەن، وزبەكستان ۇكىمەتىنە پرەزيدەنت تاپسىرماسىنان كەيىن اۋىلشارۋاشىلىعى تەحنيكاسى ءۇشىن سالىقتى جويىپ، قايتا ەسەپتەۋگە ءۇش كۇن عانا جەتكىلىكتى بولدى. ءبىزدىڭ ۇكىمەت ءبىر جارىم ايدان بەرى ۋتيلالىم مولشەرىن بەلگىلەي الماي، بلوگتۋر ۇيىمداستىرۋمەن اينالىسىپ وتىر. لوببي كەزەكتى رەت مەملەكەتتەن كۇشتى بولىپ شىقتى. سوندىقتان بىزگە ءوز پارتيامىز كەرەك" دەيدى ساياساتتانۋشى.

سانجار بوقايەۆ 1982 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىن، رەسەي فەدەراسياسى پرەزيدەنتى جانىنداعى مەملەكەتتىك قىزمەت اكادەمياسىن اياقتاعان، اقش كولۋمبيالىق ۋنيۆەرسيتەتىندە تاجىريبەدەن وتكەن.

ءار جىلدارى الماتى قالاسى ىشكى ساياساتى باسقارماسى، جاستار ساياساتى باسقارماسىنا جەتەكشىلىك ەتكەن. پرەزيدەنت جانىنداعى ستراتەگيالىق زەرتتەۋلەر ينستيتۋتىندا جۇمىس ىستەگەن. "نۇر وتان" پارتياسى الماتى فيليالى ءتوراعاسىنىڭ ورىنباسارى بولعان.

قازترانسگاز كومپانانياسى ەكس-باسقارما ءتوراعاسى قايرات شارىپبايەۆتىڭ، سەنات سپيكەرى بولىپ تۇرعاندا داريعا نازاربايەۆانىڭ كەڭەسشىسى بولعان.

سوڭعى جىلدارى مەملەكەتتىك قىزمەتتەن كەتىپ، كاسىپكەرلىكپەن، ساياسي بەلسەندىلىكپەن اينالىسىپ ءجۇر.