امەريكا قۇراما شتاتتارى بىرىككەن ۇلتتار ۇيىمىنا رەسەي ۋكرايناعا باسىپ كىرگەن جاعدايدا ادام قۇقىقتارىنىڭ ورەسكەل بۇزىلۋ ءقاۋپى تۋرالى سەنىمدى اقپارات بار ەكەنىن ايتتى.
ۆاشينگتوننىڭ اقپاراتىنشا، رەسەي ادام ۇرلاۋ نەمەسە ازاپتاۋ سياقتى قيانات جاساۋى مۇمكىن.
سونىمەن قاتار، فرانسيا پرەزيدەنتى ەممانۋەل ماكرون اقش پرەزيدەنتى دجو بايدەن مەن رەسەيلىك ارىپتەسى ۆلاديمير پۋتين كەزدەسۋگە كەلىسكەنىن مالىمدەدى.
"اقش پرەزيدەنتى دجو بايدەن رەسەي پرەزيدەنتى ۆلاديمير پۋتينمەن ۋكراينا داعدارىسىن تالقىلاۋ ءۇشىن سامميت وتكىزۋگە نەگىزىنەن كەلىستى" دەپ حابارلادى ءال-جازيرا تەلەارناسى.
اق ءۇيدىڭ اقپاراتىنا سايكەس، فرانسيا ۇسىنعان كەلىسسوزدەر رەسەي ءوز كورشىسىنە باسىپ كىرمەگەن جاعدايدا عانا وتەدى.
"كەزدەسۋ ەۋروپانىڭ سوڭعى ونجىلدىقتارداعى ەڭ ءىرى قاۋىپسىزدىك داعدارىسىنا ىقتيمال ديپلوماتيالىق شەشىم ۇسىنا الادى" دەپ كۇتىلۋدە.
اقش شەنەۋنىكتەرى "رەسەي اسكەري وپەراسيانى باستاۋعا دايىن" دەپ بولجايدى، ال ماسكەۋ مۇنى جوققا شىعارادى.
بۇل ۇسىنىس فرانسيا پرەزيدەنتى ەممانۋەل ماكرون مەن ۆلاديمير پۋتين اراسىنداعى تەلەفون ارقىلى ءۇش ساعاتقا سوزىلعان اڭگىمەدەن كەيىن جاريالاندى.
سونىمەن قاتار ماكرون بايدەنمەن 15 مينۋتتاي اڭگىمەلەستى.
ماكرون كەڭسەسى ىقتيمال ءسامميتتىڭ ەگجەي-تەگجەيلەرى بەيسەنبى كۇنى بولاتىنىن جاريالادى. ول بەيسەنبى كۇنى اقش مەملەكەتتىك حاتشىسى انتوني بلينكەن مەن رەسەي سىرتقى ىستەر ءمينيسترى سەرگەي لاۆروۆ اراسىنداعى كەزدەسۋدە ماڭىزدى ديپلوماتيالىق ماسەلەلەر تالقىلاناتىنىن ايتتى.
پىكىر قالدىرۋ