"اقش پرەزيدەنتى دجو بايدەن رەسەي پرەزيدەنتى ۆلاديمير پۋتينمەن ۋكراينا داعدارىسىن تالقىلاۋ ءۇشىن سامميت وتكىزۋگە نەگىزىنەن كەلىستى" دەپ حابارلادى ءال-جازيرا تەلەارناسى.
اق ءۇيدىڭ اقپاراتىنا سايكەس، فرانسيا ۇسىنعان كەلىسسوزدەر رەسەي ءوز كورشىسىنە باسىپ كىرمەگەن جاعدايدا عانا وتەدى.
"كەزدەسۋ ەۋروپانىڭ سوڭعى ونجىلدىقتارداعى ەڭ ءىرى قاۋىپسىزدىك داعدارىسىنا ىقتيمال ديپلوماتيالىق شەشىم ۇسىنا الادى" دەپ كۇتىلۋدە.
اقش شەنەۋنىكتەرى "رەسەي اسكەري وپەراسيانى باستاۋعا دايىن" دەپ بولجايدى، ال، ماسكەۋ مۇنى جوققا شىعارادى.
بۇل ۇسىنىس فرانسيا پرەزيدەنتى ەممانۋەل ماكرون مەن پۋتين ءۇش ساعاتقا سوزىلعان تەلەفونداعى ەكى رەتكى سويلەسۋدەن كەيىن جاريالاندى.
سونىمەن قاتار ماكرون بايدەنمەن 15 مينۋتتىق سۇحبات وتكىزدى.
ماكروننىڭ كەڭسەسى ىقتيمال ءسامميتتىڭ ەگجەي-تەگجەيلەرى بەيسەنبى كۇنى بولاتىنىن جاريالادى. ول بەيسەنبى كۇنى اقش مەملەكەتتىك حاتشىسى انتوني بلينكەن مەن رەسەي سىرتقى ىستەر ءمينيسترى سەرگەي لاۆروۆ اراسىنداعى كەزدەسۋدە ماڭىزدى ديپلوماتيالىق ماسەلەلەر تالقىلاناتىنىن ايتتى.
پىكىر قالدىرۋ