فرانسيا پرەزيدەنتى ەممانيۋەل ماكرون اقش پەن رەسەي باسشىلارىنىڭ كەزدەسۋىن ۇيىمداستىرۋعا شاقىردى. تالاپتار ۇسىنىستى قابىلداپ، رەسەي ۋكرايناعا باسىپ كىرمەسە، تاياۋ كۇندەرى سامميت وتەدى، دەپ جازدى نەمىستىڭ dw.com باسىلىمى.

ماكرون قوس تاراپتىڭ باسشىلارىمەن تەلەفون ارقىلى سويلەسىپ، ەكى جاقتىڭ كەلىسىمىن العان. كەزدەسۋ بارىسىن 24 اقپاندا اقش مەملەكەتتىك حاتشىسى ەنتوني بلينكەت مەن رەسەي سىرتقى ىستەر ءمينيسترى سەرگەي لاۆروۆ كەزدەسۋ كەزىندە ازىرلەيدى.

رەسمي پاريج ءسامميتتى رەسەي ۋكرايناعا باسىپ كىرمەگەن جاعدايدا عانا وتكىزۋ مۇمكىن ەكەنىن ايتادى.

سوڭعى بىرنەشە تاۋلىكتە رەسەي-ۋكراينا كونفليكتى ۇشىعا ءتۇستى. وبسە-نىڭ ارنايى مونيتورينگتىك ميسسياسى 19 اقپان كۇنى عانا وق اتۋدى توقتاتۋ رەجيمى 1500 رەت بۇزىلعانىن ءمالىم ەتكەن. بايدەن كرەم كييەۆتى باسىپ كىرۋ تۋرالى شەشىمدى قابىلداپ قويعان دەپ سانايدى.

باتىستىق ارنايى قىزمەت دەرەگىنشە، رەسەي-ۋكراينا شەكاراسى ماڭىندا ماسكەۋدىڭ 150 مىڭ اسكەرى ورنالاستىرىلعان. كرەمل بولسا، باسقىنشىلىق جاساۋدى جوسپارلاپ وتىرماعانىن ايتادى.