نۇر-سۇلتان قالالىق سوتى قازاقستاننىڭ بۇرىنعى قورعانىس ءمينيسترى مۇرات بەكتانوۆتى قاماۋعا الۋعا سانكسيا بەردى.
"2022 جىلعى 22 اقپاندا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى م.ك.بەكتانوۆقا قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن تاعايىندادى" دەلىنگەن حابارلامادا.
سوتقا دەيىنگى تەرگەپ-تەكسەرۋدىڭ باسقا دا دەرەكتەرى قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتىلمەيتىنى حابارلاندى.
21 اقپاندا مۇرات بەكتانوۆ قاماۋعا الىنعانى، ۇستىنەن قىلمىستىق كودەكستىڭ 452-بابى (ارەكەتسىزدىك فاكتىسى) بويىنشا سوتقا دەيىنگى تەرگەپ-تەكسەرۋ باستالعانى حابارلانعان.
ەكس-مينيستر قىزمەتىنەن 19 قاڭتار كۇنى كەتكەن بولاتىن.
پىكىر قالدىرۋ