رەسەيدە قازاقستاندىق جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ فيليالدارى قۇرىلادى. بۇل تۋرالى قازاقستان رەسپۋبليكاسى پرەمەر-مينيسترىنىڭ اقپاراتتىق رەسۋرسى مالىمەتتى.
"ۇزاق مەرزىمدى ىنتىماقتاستىق ورناتۋ جانە ءبىلىم بەرۋ ساپاسىن قامتاماسىز ەتۋ، تەحنيكالىق باعىتتاعى كادرلاردى دايارلاۋ ماقساتىندا قازاقستان رەسپۋبليكاسىنىڭ ۇكىمەتى مەن رەسەي فەدەراسياسىنىڭ ۇكىمەتى اراسىندا رەسەي فەدەراسياسىندا قازاقستان رەسپۋبليكاسىنىڭ جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ فيليالدارىن جانە قازاقستان رەسپۋبليكاسىندا رەسەي فەدەراسياسىنىڭ جوعارى ءبىلىم بەرەتىن ءبىلىم بەرۋ ۇيىمدارىنىڭ فيليالدارىن قۇرۋ جانە ولاردىڭ جۇمىس ىستەۋى تۋرالى كەلىسىمگە قول قويۋ تۋرالى قاۋلى قابىلداندى. كەلىسىمدە ەكى ەلدىڭ زاڭناماسىنا سايكەس تەڭ نەگىزدەگى فيليالدار قۇرىلاتىنى كوزدەلگەن. كەلىسىمدى ىسكە اسىرۋ اياسىندا فيليالداردى اشۋ كەزىندە قوسارلانعان ليسەنزيا الۋ جۇزەگە اسىرىلادى. وقىتۋ ءبىلىم بەرۋ باعدارلامالارى شەڭبەرىندە فيليالدار ورنالاسقان ەلدىڭ ءتىلى مەن تاريحىن مىندەتتى تۇردە مەڭگەرۋ ارقىلى، ەكى ەلدىڭ مەملەكەتتىك تىلدەرىندە جۇرگىزىلۋى مۇمكىن. فيليالداردا مەملەكەتتىك باقىلاۋ جانە اككرەديتتەۋ قازاقستان جانە رەسەي زاڭناماسىنا سايكەس ىسكە اسىرىلاتىن بولادى" دەلىنگەن اقپاراتتىق حابارلامادا.
بۇعان دەيىن پرەزيدەنت ق.توقايەۆ "بولاشاق" ءبىلىم بەرۋ باعدارلاماسىنىڭ كەي تۇستارىن قايتا قاراپ، تەحنيكالىق باعىتتاعى ماماندىقتارعا دەن قويۋ كەرەكتىگىن، باسىمدىقتى رەسەي جوعارى وقۋ ورىندارىنا بەرۋ قاجەتتىگىن اتاپ وتكەن
پىكىر قالدىرۋ