ۋكراينا پرەزيدەنتى ۆلاديمير زەلەنسكيي رەسەي باسقىنشىلىعىنا بايلانىستى بريفينگ وتكىزىپ جاتىر. بريفينگتەن ينسايدەر UA تەلەگرام كانالى اقپارات تاراتۋدا.

اقپارات رەسۋرس مالىمەتىنشە، زەلەنسكيي بۇعان دەيىن ءىستى بولعان ۋكراينا ازاماتتارى قولىنا قارۋ الىپ ەلدى قورعاۋ جاساقتارىنا قوسىلاتىن بولسا، بارلىق سانكسيالاردى توقتاتاتىنىن مالىمدەگەنىن جازدى.

رەسەيمەن ديپلوماتيالىق قارىم-قاتىناس ۇزىلگەنىن ايتقان ول، رەسەيلىكتەردى ۋكراينامەن سوعىسقا قارسىلىق بىلدىرۋگە شاقىرعان.

سوزىنشە، ۋكراينانىڭ اسكەري كۇشتەرى اۋىر سوعىس قيمىلدارىن جۇرگىزىپ جاتىر. "قارسىلاسىمىزدا ادام شىعىنى بار، ودان كوپ بولا تۇسەدى. ويتكەنى ولار ءبىزدىڭ جەرىمىزگە باسىپ كىردى" دەگەن ول حاركوۆ قالاسى تۇبىندە ۇرىس بولىپ جاتقانىن، اسكەريلەر تانك شابۋىلىن تويتارعانىن جەتكىزدى.

ۋكراينا پرەزيدەنتى كەڭسەسىنىڭ شتاتتان تىس كەڭەسشىسى الەكسەي ارەستوۆيچ "سچاستە"، "ماريۋپول" قالالارى ازات ەتىلگەنىن، رەسەيدىڭ كوپتەگەن برونەتەحنيكاسى مەن التىنشى ۇشاعى جويىلعانىن ايتتى.

سونداي-اق ول ۋكراينا 40 جاۋىنگەرىن جوعالتقانىن ءمالىم ەتتى.