الماتى وبلىسىنىڭ اكىمى قانات بوزىمبايەۆ "التىن وردا" بازارى قىزمەتىنىڭ توڭىرەگىندە قوردالانىپ قالعان ماسەلەلەردى شەشۋ ءۇشىن بارلىق باعىتتار بويىنشا جۇمىستار جۇرگىزىلەتىنىن ءمالىم ەتتى.

وبلىس اكىمىنىڭ باسپاسوزقىزمەتى حابارلاعانداي، بازاردا قۇرىلىس، سانيتاريا جانە سالىق بويىنشا باقىلاۋ جۇرگىزىلەدى.

سونداي-اق بازار قىزمەتىن جەڭىلدەتۋ جانە اشىقتىعىن قامتاماسىز ەتۋ ءۇشىن ىلە اۋدانىندا ا+ دەڭگەيىندەگى اۆتوماتتاندىرىلعان لوگيستيكالىق حاب سالۋ جوسپارلانىپ وتىر.

– لوگيستيكالىق حابتىڭ اۋماعى 200 مىڭ شارشى مەتردى قۇرايدى. ول قازاقستانداعى ەڭ ءىرى كاسىپورىنداردىڭ بىرىنە اينالادى. ول ءۇشىن 200 ميلليون دوللار كولەمىندە ينۆەستيسيا تارتامىز، 1500-گە جۋىق جاڭا جۇمىس ورنى اشىلادى، – دەدى الماتى وبلىسىنىڭ اكىمى.

بوزىمبايەۆ وسى جوبانى جۇزەگە اسىراتىن "AIRBA FF" ج ش س ديرەكتورلار كەڭەسىنىڭ ءتوراعاسى ەدۋارد كيممەن مەموراندۋمعا قول قويىلعانىن جەتكىزدى.

بۇعان دەيىن پرەزيدەنت قاسىم-جومارت توقايەۆ الماتى قالاسى جانە الماتى وبلىسى اكىمدەرىنە ۇكىمەتپەن بىرلەسىپ "التىن وردا" بازارىندا ءتارتىپ ورناتۋدى تاپسىرعان بولاتىن.