ۋكراينا استاناسى كييەۆتىڭ شەتىندە ۇرىس ءجۇرىپ جاتىر، ۇكىمەت كۇشتەرى اۋە بازاسى مەن اۋەجايدى رەسەيلىك دەسانت اسكەرلەرى باقىلاۋعا العان سوڭ قايتارىپ الۋعا ارەكەتتەنىپ جاتىر.
ۋكراينا پرەزيدەنتى ۆلاديمير زەلەنسكيي اۋەجايدى قايتارىپ الىپ، رەسەيلىك اسكەرلەردى كەرى ىعىستىرامىز دەپ ۋادە بەردى.
جۇزدەگەن جارىلىس بولعانى تۋرالى حابارلارعا قاراعاندا ماريۋپول پورتىندا دا شايقاس بولىپ جاتقان كورىنەدى.
بۇۇ-نىڭ بوسقىندار ءىسى جونىندەگى جوعارعى كوميسسارى BBC-گە بەرگەن اقپاراتىنا سايكەس، ۋكرايناداعى 100 مىڭنان استام ادام ۇيلەرىن تاستاپ، مىڭداعان ادام مولدوۆا مەن رۋمىنياعا ءوتىپ كەتكەن بولۋى مۇمكىن.
"رەسەي پوليسياسى رەسەيدە سوعىسقا قارسى شەرۋلەرگە شىققان 700-دەن استام ادامدى ۇستادى" دەپ حابارلادى تاۋەلسىز باقىلاۋشىلار.
بۇرىنعى چەرنوبىل اتوم ەلەكتر ستانساسىنىڭ اينالاسىندا كەسكىلەسكەن ۇرىس ءجۇرىپ جاتىر، رەسەي اسكەرلەرى ونى باسىپ الدى.
پىكىر قالدىرۋ