بۇۇ باسشىسى رەسەي-ۋكراينا اراسىنداعى "سوعىس توقتاۋى كەرەك" دەيدى.
نيۋ-يوركتە ءوتىپ جاتقان بىرىككەن ۇلتتار ۇيىمى باس اسسامبلەياسىنىڭ ۋكراينا بويىنشا ارنايى سەسسياسىندا سويلەگەن سوزىندە بۇۇ باس حاتشىسى انتونيۋ گۋتەرريش سوعىستى توقتاتۋعا شاقىرادى دەپ كۇتىلۋدە.
"بۇكىل ەلدە (ۋكراينادا) اۋەدە، قۇرلىقتا جانە تەڭىزدە سوعىس جالعاسىپ جاتىر. ونى ءقازىر توقتاتۋ كەرەك. رەسەيدىڭ زىمىراندارى مەن اۋە بومبالارى ۋكراينا قالالارىن كۇنى-تۇنى قيراتىپ جاتىر. ەل استاناسى كييەۆ قورشاۋدا جانە (ورىس اسكەرلەرى) بارلىق جاعىنان شابۋىلداۋدا.
ازاماتتاردىڭ، سونىڭ ىشىندە بالالاردىڭ ولىمىنە اكەلىپ سوقتىراتىن بۇل كۇشەيىپ كەلە جاتقان زورلىق-زومبىلىققا مۇلدە توزۋگە بولمايدى. جەتەدى. ساربازدار كازارمالارىنا ورالۋى كەرەك. كوشباسشىلار بەيبىتشىلىككە كوشۋى كەرەك" دەدى ول.
گۋتەرريش ۋكراينانىڭ حالىقارالىق مويىندالعان شەكارالارمەن شەكتەسەتىن ەگەمەندىگى، تاۋەلسىزدىگى مەن اۋماقتىق تۇتاستىعىن ساقتاۋ كەرەكتىگىن ايتادى دەپ كۇتىلۋدە.
پىكىر قالدىرۋ