كاراۆان باسىلىمىنىڭ ءجۋرناليسى الەكساندرا مىسكينا قازاقستانداعى ورىس ۇلتىنىڭ وكىلدەرىن اقپاراتتىق سوعىستار ەتنوسارالىق بەيبىتشىلىكتى بۇزۋىنا جول بەرگىزدىرمەۋگە ۇندەپ، "قازاقستان مەنىڭ جەرۇيىعىم" فلەشموبىن باستايتىنىن ءمالىم ەتتى.
"ءبىز جەرۇيىعىمىزدى ەشقاشان ساتپايمىز. كەيبىرەۋلەر قازاقستانداعى ورىستاردى نەدەن قۇتقارعالى جاتىر؟ مول داستارحاننان با، جورگەكتەن باستاپ وسىرگەن اجەلەردىڭ ايالى الاقانىنان با؟ قازاق حالقىنىڭ دانالىعى مەن شەكسىز مەيىرىمىنەن بە؟ ءبىز قازاق ءتىلىن ۇيرەنۋگە دايىنبىز، ۇيرەنىپ تە ءجۇرمىز. ويتكەنى جان جۇرەگىمىزبەن قازاقتاردى جاقسى كورەمىز. جاڭا مەكتەپتەر اشىلىپ جاتقانىنا قۋانىشتىمىز، ولاردىڭ قازاقشا ەكەنى ءبىزدى ەش قايمىقتىرمايدى. باستىسى "كەل، بالالار، وقىلىق" دەپ التىنسارين ايتقانداي، ءبىز بالالارىمىز بەيبىتشىلىكتە ءبىلىم العانىن قالايمىز. "قازاقستان مەنىڭ جەرۇيىعىم" فلەشموبىن باستايمىن" دەيدى جۋرناليست facebook-تەگى جازباسىندا.
بۇعان دەيىن TikTok-تا شىعىس قازاقستان وبلىسىنىڭ تۇرعىنى قازاقستانداعى ورىس ۇلتىن شەتتەتۋ جاعدايلارى بارىن ايتىپ، رەسەي اسكەرى ۋكرايناعا باسىپ كىرگەننەن كەيىن ءوزىن ءقاۋىپسىز سەزىنە باستاعانىن، سول ءۇشىن رەسەييپرەزيدەنتى ۆلاديمير پۋتينگە العىس بىلدىرەتىنىن جەتكىزگەن.
قازىرگى ۋاقىتتا ۆيدەو اۆتورى ەليزاۆەتا ماتۆەيەۆا ەسىمدى ازامات ەكەنى، پروكۋراتۋرا ونى ۆيدەوسىن زەردەلەپ جاتقانى بەلگىلى بولدى.
